लाभांश प्रस्ताव पारित गर्न सिभिल लघुवित्तले डाक्यो साधारण सभा

Feb 19, 2021 09:08 AM Merolagani

सिभिल लघुवित्त वित्तीय संस्था लिमिटेड (CLBSL) ले गत आर्थिक वर्षको मुनाफाबाट वितरण गर्ने घोषणा गरेको लाभांश पारित गर्न साधारण सभा बोलाएको छ।

लघुवित्तले चैत ५ गते बोगनभिल्ला, इभेन्ट्स, त्रिपुरेश्वर, काठमाडौँमा नवौँ वार्षिक साधारण सभा डाकेको छ। सो सभा बिहान ११ बजे शुरु हुनेछ।

सभाले सञ्चालक समितिबाट पारित भए अनुसार गत असार मसान्तसम्म कायम चुक्ता पूँजीको ३.५ प्रतिशत बोनस शेयर र सोको कर प्रयोजनको लागि ०.१८४ प्रतिशत नगद लाभांश वितरण गर्ने विशेष प्रस्ताव पारित गर्नेछ। यसैगरी, सभाले प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने, संस्थापक शेयरधनीहरुको तर्फबाट प्रतिनिधित्व गरेका सञ्चालकहरुको मनोनयन/नियुक्ति अनुमोदन गर्ने र सर्वसाधारण शेयरधनीको तर्फबाट १ जना सञ्चालकको निर्वाचन गर्ने प्रस्ताव पनि पारित गर्नेछ।

साधारण सभा प्रयोजनार्थ लघुवित्तले फागुन २० गते बुकक्लोज गर्ने भएको छ। यस अनुसार फागुन १९ गतेसम्म नेप्सेमा कारोबार भइ कायम शेयरधनीहरुले लघुवित्तको सभामा सहभागिता जनाउनुका साथै लघुवित्तले वितरण गर्ने लाभांश प्राप्त गर्नेछ।

गत असार मसान्तसम्ममा लघुवित्तको चुक्ता पूँजी २३ करोड ३९ लाख ३३ हजार ७०० रुपैयाँ थियो। ३.५ प्रतिशतले हुन आउने ८१ लाख ८७ हजार ६७९ रुपैयाँ ५० पैसा बराबरको बोनस शेयर वितरण पश्चात लघुवित्तको चुक्ता पूँजी २४ करोड २१ लाख २१ हजार ३७९ रुपैयाँ ५० पैसा पुग्नेछ।

comments powered by Disqus

ग्रहको लागि ‘गम्भीर चेतावनी’ः कोइलाले आर्थिक सुधारलाई शक्ति दिइरहेको छ

Apr 20, 2021 08:38 PM

ग्लोबल कार्बन डाइअक्साइड उत्सर्जन यस वर्ष खतरनाक रुपले बढ्ने देखिन्छ किनभने विश्व अर्थव्यवस्था भारी रिकभरिबाट गुजरीरहेको छ।