पछिल्लो समय युट्युबका भिडियो लोकप्रिय र अलोकप्रिय लाइक र डिसलाइक सङ्ख्याबाटै गणना हुने भएका कन्टेन्ट क्रिएटरलाई निराश बनाउने भन्दै यस्तो फिचर ल्याउन लागेको हो ।
अझ भन्ने हो भने अनलाइन ट्रोल नै डिसलाइक बन्न पुगेको कारण युट्युबले नयाँ फिचर ल्याउन लागेको हो ।
कन्टेन्ट क्रिएटर र कलाकारलाई निरुत्साहित गर्ने यस्तो डिसलाइकलाई नदेखाउने प्रक्रिया अगाडी बढाएको युट्युबले जनाएको छ ।
अब भविष्यमा युट्युबका दर्शकले आफूले हेर्ने सामग्री मन नपरेमा डिसलाइक त गर्न सक्नेछन् तर उक्त सामग्रीमा कति जनाले डिसलाइक बटन थिचे भनेर जान्न चाहिँ पाउने छैनन् ।
नयाँ फिचरअनुसार युट्युब भिडियोमा डिसलाइक बटन त देखिनेछ तर डिसलाइकको संख्या चाहिँ सम्बन्धित युट्युब च्यानलको सर्जकले मात्र युट्युब स्टुडियो भित्र हेर्न पाउनेछन् ।
युट्युबले भनेको छ – सर्जकहरु तपाईंले युट्युब स्टुडियोमा लाइक्स र डिसलाइक्सको वास्तविक संख्या हेर्न सक्नुहुनेछ । कलाकार र कन्टेन्ट क्रियटरमात्रै होइन सबै क्षेत्रका मानिसलाई यस्तो डिसलाइक प्रवृत्तिले प्रभावित बनाइरहेको छ ।
