मध्य भोटेकोशीले सिन्धुपाल्चोकवासीलाई बैशाखमा नै र त्यस लगतै सर्वसाधारणलाई शेयर जारी गर्दै

Apr 07, 2021 04:06 PM Merolagani

चिलिमे जलविद्युत् कम्पनीको सहायक मध्य भोटेकोशी जलविद्युत् कम्पनीले आयोजना प्रभावित सिन्धुपाल्चोकबासीलाई बैशाखमा र त्यसलगतै सर्वसाधारणलाई शेयर बिक्री गर्ने भएको छ ।

 पहिलो चरणमा कम्पनीले कर्मचारी सञ्चयकोषका कर्मचारी, संस्थापक शेयरधनी संस्था र ऋणदाता संस्थाका कर्मचारीका लागि शेयर जारी गरेको थियो । दोस्रो चरणमा बैंशाखमा नै स्थानियवासीलाई शेयर निष्कासन गर्ने तयारी गरेको छ । त्यसैगरी, तेस्रो चरणमा सर्वसाधारणका लागि शेयर जारी गर्दै छ ।

दोस्रो चरणमा स्थानियवासी र तेस्रो चरणमा सर्वसाधारणलाई शेयर जारी गर्ने तयारी गरिरहेको मध्य भोटेकोशी जलविद्युत कम्पनीका प्रमुख कार्यकारी अधिकृत रामगोपाल सिवाकोटीले मेरोलगानीलाई बताए । ‘आयोजना प्रभावित स्थानीयवासीलाई बैशाखमा र त्यसलगतै सर्वसाधारणलाई शेयर निष्कासन गर्ने तयारी गरेका छौं,’ उनले भने, ‘यो आर्थिक वर्ष अर्थात वैशाखसम्ममा स्थानियवासीलाई र असारसम्ममा सर्वसाधारणलाई शेयर निष्कासन गरिसक्ने छौं ।’

पहिलो चरणमा कम्पनीले कर्मचारी सञ्चयकोषका कर्मचारी, संस्थापक सेयरधनी संस्था र ऋणदाता संस्थाका कर्मचारीका लागि १ करोड ४४ लाख कित्ता शेयर निष्कासन गरिसकेको छ ।

दोस्रो चरणमा आयोजना प्रभावित सिन्धुपाल्चोकवासीलाई छुट्याइएको ६० लाख कित्ता र अन्तिम चरणमा मुलुकभरका सर्वसाधारणका लागि छुट्याएको ९० लाख कित्ता शेयर निष्काशन गरिने कम्पनीले जनाएको छ ।

२०७२ सालमा आएको भूकम्प, बाढीपहिरो, नाकाबन्दी र पछिल्लो समय विश्वव्यापी महामारी रुप लिएको कोरोना भाइरसलगायतका कारणले निर्माण प्रभावित हुँदा आयोजनाको लागत बढ्न जाने देखिएको आयोजनाले जनाएको छ ।

कम्पनीले बहुचर्चित सिन्धुपाल्चोक जिल्लामा १०२ मेगावाट क्षमताको मध्य भोटेकोशी जलविद्युत् आयोजनाको निर्माण गरिरहेको छ । कम्पनीको अधिकृत पूँजी ६ अर्ब २१ करोड र जारी पूँजी ६ अर्ब रहेको छ ।

निर्माणाधीन आयोजनाको शुरुको कूल लागतमध्ये ५० प्रतिशत स्वपूँजीबाट र ५० प्रतिशत ऋणबाट जुटाइएको छ । सो आयोजनाको ५० प्रतिशत ऋणका लागि कर्मचारी सञ्चयकोषसँग ऋण सम्झौता भइसकेको छ । संस्थापक समूहबाट कबोल भएको तीन अर्ब ६ करोडको शेयर रकम चुक्ता भइसकेको छ ।

कम्पनीको जारी पूँजीको ५१ प्रतिशत शेयरअन्तर्गत नेपाल विद्युत् प्राधिकरण १०, चिलिमे जलविद्युत् कम्पनी लिमिटेड ३७, सिन्धुपाल्चोक हाइड्रोपावर एक, नेपाल अरनिको हाइड्रोपावर कम्पनी एक, सिन्धु इन्भेष्टमेण्ट कम्पनी एक र सिन्धु भोटेकोशी हाइड्रोपावरको एक प्रतिशत रहेको छ ।

सर्वसाधारण सेयरधनी समूहको ४९ प्रतिशत शेयरअन्तर्गत कर्मचारी सञ्चय कोषका कर्मचारी १९.५, संस्थापक सङ्गठित संस्थाका कर्मचारी ३.५, ऋणदाता संस्थाका कर्मचारी एक, सिन्धुपाल्चोक जिल्लाका स्थानीयका लागि १० र सर्वसाधारणका लागि १५ प्रतिशतका शेयर छुट्याइएको छ ।

सर्वसाधारण समूहका लागि छुट्याइएको शेयरको निष्काशन तथा बिक्री वितरण गर्न ग्लोबल आइएमइ क्यापिल लिमिटेडलाई निष्काशन तथा बिक्री प्रबन्धक र प्रभु क्यापिटल लिमिटेड, एनआइबिएलएस क्यापिटल, लक्ष्मी क्यापिटल मार्केट, सिभिल क्यापिटल मार्केट, सानिमा क्यापिटल तथा सिबिआएल क्यापिटल लिमिटेड सह-निष्काशन एवं बिक्री प्रबन्धक छन् ।

comments powered by Disqus

बाइडनको पहिलो १०० दिनले राष्ट्रपति नेतृत्वकाे आउँदा दिनका बारेमा के बताउँछ?

May 04, 2021 06:55 PM

अमेरिकाका राष्ट्रपति जो बाइडनको पहिलो १०० दिन नजिक आइरहेको छ। यो बेन्चमार्क फ्र्यांकलीन डि रुजवेल्टले स्थापित गरेका थिए जसले सन् १९९३ मा आफ्नो राष्ट्रपति नेतृत्वको समयमा अत्यन्त फलदायी सुरुवात गरेका थिए र यसको प्रयोग सो समयदेखि हालसम्मका नयाँ राष्ट्रपतिलाई न्याय गर्नकालागि प्रयोग गरिन्छ।