कोरोना संक्रमितको संख्या बढ्दै गएपछि स्वास्थ्य मन्त्रालयको ८ बुंदे अपिल

Apr 15, 2021 06:50 PM Merolagani

स्वास्थ्य तथा जनसंख्या मन्त्रालयले कोभिड १९ को संक्रमण बढ्न थालेपछि सचेत हुन आग्रह गरेको छ । बिहीबार बसेको सचिव स्तरीयको बैठकले कोरोना संक्रमणको प्रभाव चुनौति पूर्ण रहेको निणर्य गर्दै सराेकारवालाहरूमा ८ बुदे अपिल गरेको हो ।

बैठकले सबै नागरिकहरुमा कोभिड १९ को संक्रमण्बाबाट जोगिन संवेदनशील बनेर जनस्वास्थ्यका मापदण्डहरु कडाईका साथ पालना गर्न अपिल गरेको छ ।

यस्तै अति प्रभावित काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दांङ, सुर्खेत, बारा, बाग्लुङ्गमा बढी भिडभाड हुने सबै क्षेत्र तथा सेवाहरु बन्द गर्न अपिल गरेको छ । विद्यालय, रात्री व्यवसायहरु, रेष्टुरेन्ट तथा क्लबहरु, खेलकुद, जीम, सार्वजनिक पुजाआजा तथा जात्राहरु, सभा सम्मेलन, बैठक जस्ता कार्यक्रमहरुमा सहभागि नहुन पनि आग्रह गरेको छ ।

मन्त्रालयले होटलमा बसोबास गर्ने विदेशी नागरिकहरुलाई पीसीआर जतिजा नेगेटिभ आएको अवस्थामा मात्रै राख्न आग्रह गरेको छ ।

नियमित रुपमा अस्पतालहरुमा सेवा लिन आइरहेका सेवाग्राहिहरुलाई कोभिड १९ संक्रमण पुष्टि भएको आधारमा मात्रै अन्य अस्पतालहरुमा पठाउने गरेर अनावश्यक दुःख हुने काम नगर्न पनि अपिल गरेको छ ।

यस्तै सबै सरकारी अस्पतालहरुले कम्तीमा ५० प्रतिशत बेडहरु कोभिड १९ संक्रकितलाई व्यवस्थापन गर्न छुट्याएर तोकिए अनुसार निशुल्क सेवा प्रदान गर्न अपिल गरेको छ । नीजि प्रयोगशाला तथा अस्पतालहरुले कोभिड १९ को परीक्षण तथा उपचारको लागि तोकिको शुल्कमा उपचार गर्न आग्रह गरेको छ ।

यसैगरी बालबालिका, गर्भवति, सुत्केरी महिला, अपाँगता भएका व्यक्तिहरु, जेष्ठ नागरिकहरुको कोभिड १९ परीक्षण तथा उपचारमा उच्च प्राथमिकता दिन आग्रह गरेको छ ।

comments powered by Disqus

ऋण लिने व्यक्ति डुबे पनि बैंक भने यसकारण उत्रन्छन्, बैंकबाट ऋण लिने भन्छन्, ‘मिटर घुमाइमा फस्दै आएका छौं’

May 05, 2021 06:35 PM

बैंकबाट ऋण लिएर व्यवसाय गर्ने व्यक्ति डुबेपनि बैंक भने उत्रने गरेका छन् । बैंकले व्यक्तिको सम्पत्ति प्रयाप्त मात्रमा धितोको रुपमा लिने भएकाले पनि व्यक्ति डुबेपनि बैंक भने उत्रने गरेका हुन् ।