नागरिक लगानी कोषको हकप्रद,नेपाल इन्भेष्टमेन्ट बैंकको बोनस, गरिमा विकास बैंक बोनस र साना किसान लघुवित्त वित्तिय संस्थाको हकप्रद र बोनस शेयर गरी सो बराबरको शेयर सूचीकृत भएको हो ।
नेप्सेमा नागरिक लगानी कोषको १ करोड ३५ लाख ९२ हजार ६९२.७३ कित्ता शेयर सूचीकृत भएको छ । कोषले शेयरधनीलाई वितरण गरेको ८२.८४ प्रतिशत हकप्रद शेयर नेप्सेमा सूचीकृत गराएको हो ।
नेपाल इनभेष्टमेन्ट बैंक (NIB) को पनि १ करोड ८८ लाख ८३ हजार ७५० कित्ता शेयर सूचीकृत भएको छ । कम्पनीले शेयरधनीलाई गत आर्थिक वर्षको मुनाफाबाट १३ प्रतिशत बोनस शेयर वितरण गरेको थियो । उक्त बोनस शेयर नेप्सेमा सूचीकृत भएको हो ।
यस्तै गरिमा विकास बैंक (GBBL) को ४३ लाख ७२ हजार २३०.७३ कित्ता शेयर सूचीकृत भएको छ । गरिमाले गत आर्थिक वर्षको मुनाफाबाट शेयरधनीलाई १३.५० प्रतिशत बोनस शेयर वितरण गरेको थियो ।
किसान लघुवित्त वितीय संस्था (SKBBL) को २५ लाख ५७३.६४ कित्ता बोनस शेयर र १२ हजार ४४२ कित्ता हकप्रद शेयर सूचीकृत भएको छ । लघुवित्तले गत आर्थिक वर्षको मुनाफाबाट २५ प्रतिशत बोनस शेयर वितरण गरेको थियो । उक्त बोनस शेयर नेप्सेमा सूचीकृत भएको हो ।
यस्तै यस अघि सूचीकृत हुन बाँकी रहेको हकप्रद शेयर पनि नेप्सेमा सूचीकृत भएको हो ।
नेप्सेमा सूचीकृत उक्त शेयर, शेयरधनीको डिम्याट खातामा आएपछि कारोबार गर्न सकिनेछ ।