आज बस्ने सिडिओहरुको बैठकले केहि खुकुलो बनाउदै काठमाडौं उपत्यकामा थप एक साता निषेघाज्ञा थप्ने तयारी गरेका छन् । काठमाडौंका प्रमुख जिल्ला अधिकारी कालिप्रसाद पराजुलीले किरानापसल खोल्न दिनेगरी निषेधाज्ञा लब्याउने तयारी भएको जानकारी दिए ।
साझ चार बजे बस्ने उक्त बैठकमा निषेधाज्ञाको समीक्षा गर्दै निषेधाज्ञा अहिलेकोभन्दा केही खुकुलो र व्यवस्थित गर्नेबारे छलफल हुने उनको भनाई छ ।
यो सँगै सिडिओहरुले स्वास्थ्य मन्त्रालयका अधिकारीहरुसँग पनि परामर्श गर्ने बताइएको छ । अब भने खाद्य सामग्री बिक्रीमा केही खुकुलो र व्यवस्थित बनाउनेबारे तयारी छ ।
पछिल्लो समय स्वास्थ्य मन्त्रालयले पनि कोरोनासंक्रमणदर घट्दै गएको जनाएको छ तर कतिपयले परिक्षणको दायरा कम भएको कारण संक्रमित कम देखिएको जनाउदै आएका छन् ।