तथ्याङक अनुुसार अघिल्लो महिनामा इन्टरनेट बैंकिङमार्फत् १० अर्ब २१ करोड ५० लाख रुपैयाँको कारोबार भएको थियो । तर, वैशाखको मसान्तमा आएर यो रकम १० अर्ब ८ करोड रुपैयाँमा झरेको छ ।
एक महिनामा इन्टरनेट बैंकिङमार्फत् भएको कारोबार रकममा १३ करोड ५० लाख रुपैयाँले कमी आएको केन्द्रीय बैंकले जनाएको छ ।
त्यस्तै नेपालमा २०७८ साल वैशाख मसान्तसम्म क्यूआर कोडमार्फत २ अर्ब ५२ करोड रुपैयाँ बराबरको कारोबार भएको छ।
अघिल्लो महिनामा क्यूआर कोडमार्फत् २ अर्ब ७२ करोड २० लाख रुपैयाँको कारोबार भएकामा चैत मसान्तसम्ममा आउँदा यो रकम घटेर २ अर्ब ५२ करोड ९० लाख रुपैयाँमा झरेको छ।
मोबाइल बैंकिङमा रेकर्ड
मोबाइल बैंकिङ कारोबारले अहिलेसम्मकै उच्च आँकडा छुन सफल भएको छ । राष्ट्र बैंकका अनुसार वैशाखसम्म मोबाइल बैंकिङमार्फत ४८ अर्ब ८८ करोड ७० लाख रुपैयाँको कारोबार भएको थियो ।
चैतमा भने मोबाइल बैंकिङमार्फत ४८ अर्ब ६५ करोड २० लाख रुपैयाँको कारोबार भएको राष्ट्र बैंकको तथ्याङ्कमा उल्लेख छ ।
तर वालेट, इन्टरनेट बैंकिङ, भुक्तानी, कनेक्ट आईपीएस, एटीएम आदि लगायतका डिजिटल भुक्तानीका माध्यमको कारोबार चैतको तुलनामा वैशाखमा ओह्रालो लागेको राष्ट्र बैंकले जनाएको छ ।
