नागरिक लगानी कोष र नेपाल एग्रोको मूल्य समायोजन

Jun 22, 2021 09:20 AM Merolagani

असार ८ गते, मंगलबार, नेपाल स्टक एक्सचेञ्ज (नेप्से) ले दुई कम्पनीको शेयरमूल्य समायोजन गरेको छ। यस दिन नेप्सेले नागरिक लगानी कोष र नेपाल एग्रो लघुवित्त वित्तीय संस्था लिमिटेडको मूल्य समायोजन गरेको हो।

नेप्सेले नागरिक लगानी कोष (CIT) को ९ प्रतिशत बोनस शेयर समायोजन गरेको हो। समायोजनपश्चात कोषको मूल्य ३ हजार ७४३ रुपैयाँ निर्धारण गरिएको छ।

त्यसैगरी, नेपाल एग्रो (NAGRO) को यस दिन १४ प्रतिशत बोनस समायोजन गरेको हो। समायोजन पश्चात लघुवित्तको शेयरमूल्य ५४९ रुपैयाँ कायम गरिएको छ।

नेप्सेले अघिल्लो कारोबार दिनको अन्तिम मूल्यका आधारमा शेयरमूल्य समायोजन गरेको हो। सोमबार दोस्रो बजारमा कोषको शेयर प्रतिकित्ता ४ हजार ८० रुपैयाँमा अन्तिम कारोबार भएको थियो भने नेपाल एग्रोको ६२६ रुपैयाँमा अन्तिम कारोबार भएको थियो।

नागरिक लगानी कोषले ९ प्रतिशत बोनस शेयर र ८.८९ प्रतिशत नगद लाभांश गरि कुल १७.८९ प्रतिशत लाभांश वितरण गर्ने प्रस्ताव पारित गर्न असार १८ गते साधारण सभा बोलाएको छ।

त्यसैगरी, नेपाल एग्रोले १४ प्रतिशत बोनस शेयर र कर प्रयोजनार्थ नगद लाभांश वितरण गर्ने तथा इन्फिनिटी लघुवित्तले प्राप्ति गर्ने विशेष प्रस्ताव पारित गर्न असार २१ गते नै साधारण सभा बोलाएको छ।

comments powered by Disqus

अजोड इन्स्योरेन्स लिमिटेडको कम्पनी विश्लेषण

Sep 18, 2021 07:17 PM

यस साताको फ्लोरसिट विश्लेषण गर्दा, मोस्ट पपुलर बाइ स्टकको सूचीमा परेको एक कम्पनी हो, अजोड इन्स्योरेन्स लिमिटेड (AIL)।