२४ घण्टामा थप १,६६४ जनामा कोरोना भाइरस पुष्टि, २० जनाले ज्यान गुमाए

Aug 31, 2021 05:39 PM Merolagani

देशभर पछिल्लो २४ घण्टामा थप एक हजार ६६४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । २४ घण्टा अवधिमा १२ हजार २२२ जनामा गरिएको पीसीआर परीक्षणमा एक हजार ५२३ जना र एन्टिजेन परीक्षणमा १४१ जनामा संक्रमण पुष्टि भएको छ ।

यस्तै मंगलबार एक हजार ७८६ जनाले कोरोना संक्रमण जितेका छन् । २४ घण्टामा कोरोनाका कारण देशभरबाट २० जनाले ज्यान गुमाएका छन् । हाल देशभरमा सक्रिय संक्रमितको संख्या ३५ हजार ५९१ रहेको छ ।

आज थपिएका संक्रमितमध्ये काठमाडौंका ४१३ जना रहेका छन् ।