संस्थानका प्रमुख कार्यकारी अधिकृत कवीप्रसाद पाठकले बीमा ऐन पारित भएर कम्पनीमा परिणत भएपछि सर्वसाधारणको लागि आईपीओ निष्काशन गर्ने बताएका हुन् ।
‘संसदबाट बीमा ऐन पारित भएको एक वर्ष भित्र आईपीओ निष्काशन गर्नुपर्छ । त्यस अनुसार हामीले प्रिमियममा आईपीओ निष्काशन गर्छाैं ।’ उनले भने । संसदबाट बीमा विद्ययेक पारित भएर संस्थान कम्पनीमा परिणत भएपछि भने सर्वसाधारणको लागि आईपीओ निष्काशन गर्ने उनको भनाई छ ।
तत्काल भने संस्थापक शेयरधनीबाट एड्भान्समा पूँजी संकलन गरेर पूँजी बढाउने तयारी भैरहेको उनको भनाई छ ।
बीमा समितिको निर्देशन अनुसार सबै जीवन बीमा कम्पनीहरुले न्युनतम चुक्ता पूँजी २ अर्ब पुर्याउनु पर्नेछ । संस्थानको ऐनमा भने अधिकृत पूँजी ५० करोड रुपैयाँ मात्रै रहेको छ ।
त्यहि भएर अहिले क्यापिटल प्लान बनाएर ३ वटै संस्थापक शेयरधनीहरुलाई पठाएको जानकारी गराउदै उनले त्यसको आधारमा छलफल गरेर अघि बढ्ने बताए ।
‘सरकारसंग छलफल गरेर एड्भान्समा पूँजी संकलन गर्ने कि के गर्ने भन्ने विषयमा छलफल भैरहेको छ ।’ उनले भने, ‘बीमा ऐन पारित भएपछि मात्रै हाल्ने कि के गर्ने भन्ने विषयमा विषयमा पनि कुरा भैरहेको छ ।’
शनिबार सम्पन्न संस्थानको ३१ औं साधारण सभामा सञ्चालक समितिका अध्यक्ष गगाँराम कँडेलले बीमा समितिको निर्देशन अनुसार चुक्ता पूँजी दूई अर्ब रुपैयाँ पुर्याउने बताएका थिए ।
बीमा समितिको निर्देशन अनुसार चुक्ता पूँजी दुई अर्ब रुपैयाँ पुर्याउने योजना सहित अनुमतिको लागि अर्थमन्त्रालय पठाएको बताए । हाल कम्पनीको चुक्ता पूँजी १८ करोड १० लाख २० हजार रुपैयाँ मात्रै रहेको छ ।