बीमाको पहुँच बढाउन राष्ट्रिय बीमा नीति आवश्यक छः समिति अध्यक्ष सिलवाल

Oct 11, 2021 12:52 PM Merolagani

बीमा समितिका अध्यक्ष सूर्या प्रसाद सिलवालले मुलुकको बीमा क्षेत्रलाई नीतिगत रुपमा आवद्ध गराउन राष्ट्रिय बीमा नीति आवश्यक रहेको बताएका छन् । समितिले आयोजना गरेको शुभकामना अदान प्रदान गर्ने कार्यक्रममा बोल्द उनले राष्ट्रिय बीमा नीति आवश्यक रहेको बताएका हुन् ।

‘मुलुकको बीमा क्षेत्रलाई नीतिगत रुपमा आवद्ध गराउन राष्ट्रिय बीमा नीतिको आवश्यक छ । त्यसको लागि अर्थमन्त्रालयसंग हामीले आग्रह गरिसकेका छौं ।’ उनले भने, ‘देशमा बीमाको पहुँच बढाउन आवश्यक सहयोग गर्न अर्थमन्त्रालयले पनि तत्परता देखाएको छ ।’

बीमा क्षेत्रलाई सन्तुलित रुपमा अगाडि बढाउने प्रयासमा समिति रहेको बताउदै उनले सिमितिलाई लिखित रुपमा जानकारी दिएर बीमा सचेतना कार्यक्रमलाई व्यापकरुपमा अगाडि बढाउन बीमा कम्पनीहरुलाई आग्रह गरे ।

कोरोना बीमाको बाँकी दाबी भुक्तानीका सम्बन्धमा समितिको राय अर्थमन्त्रालयमा पठाएको समितिले जनाएको छ । त्यस सम्बन्धमा निकासा निस्किने समितिको विश्वास छ ।

 

comments powered by Disqus

हकप्रद निष्काशन गरेर व्यवसाय विस्तार गर्ने कम्पनी घटे

Oct 17, 2021 05:31 PM

सुधा देवकोटा

नेपाल स्टक एक्सचेञ्ज (नेप्से) मा सूचीकृत कम्पनीहरूले आफ्नो आवश्यकता अनुसार हकप्रद शेयर जारी गर्न नपाउँदा हकप्रद निष्काशन गर्ने कम्पनीहरूको सङ्ख्यामा भारी गिरावट आएको छ।