थप ऋण सहयोग सम्बन्धमा शुक्रबार हस्ताक्षर हुने छ। अर्थ मन्त्रालयका अनुसार शुक्रबार बिहान ११ बजे हस्ताक्षर कार्यक्रम राखिएको छ। कार्यक्रममा अर्थ मन्त्रालयका सचिव मधुकुमार मरासिनिले नेपाल सरकारको तर्फबाट र अर्नाउड काचोइसले एसियाली विकास बैंक नेपाल नियोगको तर्फबाट हस्ताक्षर आदान प्रदान गर्ने छन्।
कार्यक्रममा नेपाल विद्युत प्राधिकरणका प्रबन्ध निर्देशक कुलमान घिसिङ र काचोइसले समेत हस्ताक्षर गर्ने बताइएको छ। उक्त सहयोगले नेपालको बिद्युत प्रणलीको आधुनिकीकरणमा थप सहयोग पुग्ने अर्थ मन्त्रालयको भनाई छ।
