प्रहरी प्रधान कार्यालयलले जारी गरेको सूचना अनुसार १८ वर्ष पूरा भएर ५४ वर्ष ननाघेका इच्छुक तथा योग्य व्यक्तिले चैत ६ देखि ११ गतेसम्म आवेदन दिन सकिनेछन् ।
म्यादी प्रहरीमा भर्ना हुन नेपाली नागरिक हुनुपर्ने, फौजदारी अभियोग नलागेको, कुनै राजनीतिक दलको सदस्य नभएको, शारीरिक र मानसिकरुपले तन्दुरुस्त हुनुपर्नेछ ।
सुरक्षा निकाय (नेपाली सेना, नेपाल प्रहरी र सशस्त्र प्रहरी बल) का पूर्व सुरक्षाकर्मीहरुलाई प्राथमिकता दिइने सूचनामा उल्लेख छ ।
म्यादी प्रहरी छनौटको अन्तिम नतिजा चैत २२ गते प्रकाशित हुनेछ ।
