चालु आर्थिक वर्षको चैत मसान्तसम्ममा कम्पनीले ६९ करोड ६१ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ८.९४ प्रतिशत बढी हो। गत आर्थिक वर्षको सोही अवधिसम्ममा कम्पनीले ६३ करोड ८९ लाख रुपैयाँ खुद नाफा कमाएको थियो।
आम्दानी बढेसँगै कम्पनीको खुद नाफा बढ्न पुगेको हो।
समीक्षा अवधिमा कम्पनीको ग्राहकसँगको सम्झौताबाट भएको आम्दानी ६६३.३८ प्रतिशत बढेको छ। त्यसैगरी, कम्पनीको वित्तीय आम्दानी ९.६० प्रतिशत बढेको छ भने लाभांश आम्दानी ३१.३३ प्रतिशत र अन्य आम्दानी ११४.३८ प्रतिशत बढेको छ।
कम्पनीको चुक्ता पूँजी समीक्षा अवधिमा १३.३३ प्रतिशत बढेको छ भने रिजर्भ ८७.७० प्रतिशत बढेको छ।
नाफा बढेपनि कम्पनीको प्रतिशेयर आम्दानी भने सामान्य घटेको छ। कम्पनीको यस्तो आम्दानी २० पैसा घटेर ४ रुपैयाँ ९६ पैसामा झरेको छ। चैत मसान्तसम्ममा कम्पनीको प्रतिशेयर नेटवर्थ १०७ रुपैयाँ २३ पैसा रहेको छ भने मूल्य आम्दानी अनुपात ५२.४१ गुणा रहेको छ।
