दैनिक सकारात्मक सर्किट लेभलमा कारोबार भइरहेको जाल्पा सामुदायिक लघुवित्तको वित्तीय अवस्था कस्तो?

May 11, 2022 04:37 AM Merolagani

पछिल्लो १३ कारोबार दिनदेखि निरन्तर सकारात्मक सर्किट लेभलमा कारोबार भइरहेको जाल्पा सामुदायिक लघुवित्त वित्तीय संस्था लिमिटेड (JALPA) ले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार गत आर्थिक वर्षको सोही अवधिको तुलनामा लघुवित्तको खुद नाफा बढेको छ।

चालु आर्थिक वर्षको चैत मसान्तसम्ममा लघुवित्तले ८ करोड ६४ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ३७.२५ प्रतिशत बढी हो। गत आर्थिक वर्षको सोही अवधिसम्ममा लघुवित्तले ६ करोड २९ लाख रुपैयाँ खुद नाफा कमाएको थियो।

खुद ब्याज आम्दानी र सञ्चालन मुनाफा बढेसँगै लघुवित्तको खुद नाफा बढ्न पुगेको हो।

समीक्षा अवधिमा लघुवित्तको खुद ब्याज आम्दानी ५७.४३ प्रतिशत बढेको छ भने कुल सञ्चालन आम्दानी ६४.८४ प्रतिशत बढेको छ। त्यसैगरी, समीक्षा अवधिमा लघुवित्तको सञ्चालन मुनाफा ९१.९४ प्रतिशत बढेको छ। नाफा बढेपनि लघुवित्तको प्रतिशेयर आम्दानी भने घटेको छ। समीक्षा अवधिमा लघुवित्तको यस्तो आम्दानी ५ रुपैयाँ ८६ पैसा घटेर ७२ रुपैयाँ २ पैसामा झरेको छ। चुक्ता पूँजीको तुलनामा खुद नाफा बढाउन नसक्दा यस्तो आम्दानी घट्न पुगेको हो।

चैत मसान्तसम्ममा लघुवित्तको मूल्य आम्दानी अनुपात ७.२४ गुणा रहेको छ भने प्रतिशेयर नेटवर्थ ३४१ रुपैयाँ २८ पैसा रहेको छ।

समीक्षा अवधिमा लघुवित्तको चुक्ता पूँजी ४८.४२ प्रतिशत बढेको छ भने जगेडा कोष ४४.९३ प्रतिशत बढेको छ। लघुवित्तको सापटी ४५.४२ प्रतिशत, निक्षेप १५.०८ प्रतिशत र कर्जा ३०.१६ प्रतिशत बढेको छ।

comments powered by Disqus

राष्ट्र बैंक र एनआरएनलाई एक साता भित्र घर खाली गरिदिन बालेनको उर्दी, नमाने डोजर चलाउने

Feb 21, 2024 05:17 PM

काठमाडौं महानगरपालिकाले ललिता निवास क्षेत्रमा रहेका व्यक्ति, कम्पनी तथा संघ संस्थाहरूलाई सात दिन भित्र भौतिक रुपमा सो क्षेत्रबाट हट्न बुधबार सूचना जारी गरेको छ ।