बुधबार बुधबार एलओडी क्लबमा पत्रकार सम्मेलन गर्दै एलओडी डिजे म्याग टप सयको छनौट भएर ५२ औं स्थानमा पर्न सफल भएको जनाएको हो । केही समय अघि एलओडी क्लब डिजे म्याग टप सयको नोमिनेसनमा परेको थियो।
डिजे म्यागले छनौट गर्ने सन् २०२२ का लागि सय उत्कृष्ट क्लब क्याम्पियनमा एलओडी ५२ औं स्थानमा परेको हो। म्यागमा विश्वभरका पाँच सय क्लबहरु सहभागी थिए । डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्ने गर्छ।
५२ औं स्थानमा पर्न सफल भएपछि यो बिषयले नेपालको शिर उच्च भएको र नेपाललाई चिनाउन एलओडिले ठूलो भुमिका खेलको एलओडीका सञ्चालक रबिन श्रेष्ठले बताए ।
‘एलओडी क्लब डिजे म्यागको टप १०० मा पर्नु भनेको नेपालको पनि शान हो,’ श्रेष्ठले भने,‘टप १०० भित्र एलओडीको छनौट भएसँगै नेपालको नाम पनि जोडिएर जान्छ।’
सय वटा उत्कृष्ट क्लबमा एलओडी पर्दा विश्वभरका क्लब पारखीले नेपालको नाम थाहा पाउने उनको भनाइ छ।
विश्वको सय उत्कृष्ट क्लबमा पार्न लागि सबै जनाको साथ सहयोग रहेको बताउँदै श्रेष्ठले रात्रीकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षण गर्न सक्ने बताए।
टप १०० मा क्लब परेकाले स्वदेशी तथा विदेशी पर्यटक पनि बढ्ने श्रेष्ठको भनाइ छ ।
