इन्टरनेट कम्पनीको दशैं अफरः शुल्कमा चर्को प्रतिस्पर्धा, कम मूल्यमा धरै ब्यान्डविथदेखि सस्तोमा टिभिसम्म

Sep 20, 2022 01:28 PM Merolagani

पछिल्लो समय मोबाइल ब्रोडव्यान्डको तुलनामा फाइबर इनटरनेट निकै प्रभावकारी बन्दै गएको छ । ठूला ठूला फाइल डाउनलोड तथा अन्य गतिविधि गर्न पनि फाइबर इन्टरनेट नै आवश्यक पर्छ ।

तर,फाइबर इन्टरनेट देशभर पुग्न सकेको छैन । मोबाइल सेवाप्रदायकले गाउँ गाउँसम्म पूर्वाधार तयार गरेर सेवाको पहुँच पुर्याएका छन् तर, इन्टरनेट सेवाप्रदायक भने सहर केन्द्रित मात्रै छ ।

सहरकेन्द्रित मात्रै भएको कारण इन्टरनेट सेवाप्रदायकहरु विच नै अस्वस्थ प्रतिस्पर्धा छ । इन्टरनेट सेवाप्रदायक विच अस्वस्थ प्रतिस्पर्धाको कारण उपभोक्ताले गुणस्तरीय सेवा पाउन नसकेका गुनासो छ ।

अहिले चाडपर्वको समय छ । विभिन्न इन्टरनेट सेवाप्रदायकले उस्तै उस्तै खालका इन्टरनेट प्याकेज र अफर ल्याएका छन । विशेषगरी नेपालका ठूला इनटरनेट सेवाप्रदायक वीच  प्राइस र स्पिड वार नै छ भन्दा परक पर्दैन ।

कस्ता छन अफर ?

वर्ल्डलिङ्क

नेपालको सबैभन्दा ठूलो इन्टरनेट सेवाप्रदायक वर्ल्डलिङ्कले दशैंको अवसरमा ‘‘वर्ल्डलिङ्क fesTVty’ अफर ल्याएको छ । जसमा ग्राहकले आफ्नो सब्सक्रिप्सनमा तीन फरक–फरक आकर्षक डिल प्राप्त गर्न सक्नेछन् ।

कम्पनीका अनुसार पहिलो प्याकेज ‘फास्ट अफर’ अन्तर्गत १,०५० रुपैयाँ प्रतिमहिना (वार्षिक सदस्यता) मा ग्राहकले डुअल ब्यान्ड राउटर र २०० एमबीपीएस इन्टरनेट सेवा पाउने छ ।

त्यस्तै ‘टु राउटर’ प्याकेज अन्तर्गत १,०५० रुपैयाँ प्रतिमहिना (वार्षिक सदस्यता) मा ग्राहकले नोकिया बेकन १.१ मेस राउटर,डुअल ब्यान्ड राउटर र उच्च गतिको इन्टरेटका साथै उच्च कनेक्सन सहितको २०० एमबीपीएस इन्टरनेट प्राप्त गर्न सक्नेछन् । सबै प्याकेज एकै ठाउँमा प्राप्त गर्नको लागि भने ‘स्मार्ट अफर’ खरिद गर्न सकिन्छ ।

यो प्याकेज अन्तर्गत १,०५० रुपैयाँ प्रतिमहिना (वार्षिक सदस्यता) नोकिया बेकन १.१ मेश राउटर, २०० एमबीपीएसको इन्टरनेट सेवा र साथमा सेटटप बक्सको साथमा मासिक नेटटिभी १५० रुपैयाँमा प्राप्त गर्नेछन् ।


भायानेट

त्यस्तै इन्टरनेट सेवाप्रदायक भायानेटले चाडपर्वलाई लक्षित गर्दै आकर्षक अफर ल्याएको छ । जस अन्तर्गत भायानेटको अल्ट्रा–फाई इन्टरनेट जोड्ने ग्राहकले ‘नोकिया बिकन १.१ मेस’राउटर वा ‘एमआई ४.ए डुअल ब्यान्ड’ राउटर प्राप्त गर्ने भएका छन् ।

भायानेटले मासिक ९ सय ९९ रुपैयाँ प्रति महिनामा अल्ट्रा–फाई २०० एमबीपीएसको इन्टरनेट उपलब्ध गराउँदै आएको छ । तर, यसका लागि ग्राहकले एकै पटक एक वर्षको जडान गर्नुपर्छ ।

यो प्याकेजमा ग्राहकले डुअल ब्यान्ड ओएनयुका साथै नोकियाको बीकन १.१ मेस राउटर वा एमआई ४.ए डुअल ब्यान्ड राउटर मध्ये एक छानेर राख्न पाउनेछन् ।

क्लासिक टेक

इन्टरनेट सेवाप्रदायक कम्पनी क्लासिक टेकले निम्न वर्गका प्रयोगकर्तालाई लक्षित गर्दै मासिक ७४१ रुपैयाँमै १०० एमबीपीएस गतिको इन्टरनेट प्याकेज ल्याएको हो ।

यो प्याकेजमा आईपीटिभीका लागि मासिक थप १५० रुपैयाँ तिर्नुपर्ने छ । यो अफर अन्तर्गत ग्राहकले ५० प्रतिशत छुटमा भिडिओकनको ३२ इन्च र ४३ इन्चको स्मार्ट टिभी समेत खरिद गर्न सक्ने कम्पनीले जनाएको छ ।

३२ इन्चको एलईडी टिभी यो योजना अन्तर्गत १३ हजार २७३ र ४३ इन्चको स्मार्ट टिभी २५ हजार ६६३ रुपैयाँमा उपलब्ध हुने छ ।

वाई–फाई नेपाल

इन्टरनेट सेवा प्रदायक वाई–फाई नेपालले ३० एमबीपीएस गतिको इन्टरनेट प्रयोग गरिरहेका ग्राहकलाई निःशुल्क रूपमा ५० एमबीपीएसमा अपग्रेड हुने मौका दिने भएको छ । यसको अर्थ पहिले ३० एमबीपीएस इन्टनेट जडान गरेका ग्राहकले अब उही शुल्कमा ५० एमबीपीएसको इन्टरनेट पाउनेछन् ।

त्यसैगरी ५० एमबीपीएस इन्टरनेट प्रयोग गरिरहेका प्रयोगकर्ताले ३० एमबीपीएसकै शुल्क तिरेर नवीकरण गर्न सक्नेछन् । अब भने वार्षिक ६ हजार २१५ रुपैयाँ तिरेर प्रयोगकर्ताले ५० एमबीपीएसको इन्टरनेट जडान गर्न सक्नेछन् ।

त्यस्तै ८० एमबीपीएस इन्टरनेट आठ हजार ४७५ रुपैयाँमा एक वर्षका लागि जडान गर्न सकिने छ ।

सुबिसु

सुबिसु केबल नेट दशैं तिहारलाई लक्षित गर्दै नयाँ तथा पुराना दुवै किसिमका प्रयोगकर्तालाई लक्षित स्मार्ट अफर ल्याएको छ ।

‘स्मार्ट डिल’ अफर अन्तर्गत ग्राहकले सुबिसुको कुनै पनि इन्टरनेट प्याकेज खरिदमा १५ हजार ८९८ रुपैयाँमा (भ्याट सहित) ३२ इन्चको स्मार्ट टिभी र १४ हजार ५०० रुपैयाँमा (भ्याट सहित) स्मार्टफोन प्राप्त गर्न सक्नेछन् ।

यसैगरी ‘स्मार्ट सेभिङ’ नामक अफरमा नयाँ ग्राहकले निकै सस्तो मूल्यमा सुबिसु इन्टरनेट प्याकेज प्राप्त गर्नसक्ने कम्पनीले जनाएको छ ।

अन्तर्गत १०० एमबीपीएस गतिको इन्टरनेट तीन महिनाका लागि चार हजार ९ सय रुपैयाँ (मासिक १६ सय) र १२ महिनाको इन्टरनेट ११ हजार ९ सय रुपैयाँमै (मासिक एक हजार रुपैयाँमा) प्राप्त गर्न सकिनेछ ।

यी बाहेक अन्य सेवाप्रदायकले चाडपर्व लक्षित कुनै योजना सार्वजनिक गरेका छैनन् ।

comments powered by Disqus

यो बियरमा शेयर मूल्य ५० रुपैयाँसम्म झर्ला ? अघिल्लो बियरको मूल्यसँग तुलना गर्दा यस्तो देखियो, एनटिसीले बजार फर्काउने

Sep 25, 2022 05:52 PM

सुवास निरौला

गएको बियर ट्रेन्डमा प्रति कित्ता शेयर मूल्य ५० रुपैयाँको हाराहारीमा झरेकाे थियाे। जबकि ती शेयर प्राथमिक बजारमै एक सय रुपैयाँ प्रति कित्ताका दरले निष्कासन भएका थिए। बेस प्राइस भन्दा ५० प्रतिशत छुटमा शेयर पाउँदा समेत तत्कालीन समयमा उक्त मूल्यमा शेयर सहज खरिद बिक्री हुने सहज अवस्था थिएन।