वाणिज्य बैंकहरुले ब्याजदर घटाएर ११ प्रतिशतमा झारेका छन्। मंसिर महिनादेििख व्यक्तिगत मुद्दति निक्षेपमा १२.१३ प्रतिशत ब्याज प्रदान गरिरहेका वाणिज्य बैंकहरुले त्यस्तो निक्षेपमा अधिकतममा ११ प्रतिशत ब्याज दिने भएका छन्।
गत बुधबार बसेको नेपाल बैंकर्स संघको बैठकले माघ महिनाका लागि ब्याजदर घटाउने निर्णय गरेको थियो। सोही भद्र सहमति अनुसार यस दिन बैंकहरुले ब्याजदर घटाएर सूचना प्रकाशित गरेका हुन्।
अहिले बैंकहरुमा तरलता सहज हुँदै गएको र ब्याजदर घटाउन अर्थमन्त्रालयदेखि व्यवसायीसम्मको दबाब बढेका कारण बैंकहरुले ब्याजदर घटाउने निर्णय गरेको बताइएको थियो।
वाणिज्य बैंकसँग विकास बैंक र फाइनान्स कम्पनीहरुले पनि ब्याजदर घटाएका छन्। पुस महिनामा नै ब्याजदर घटाएर १३ प्रतिशतबाट १२.८५ प्रतिशतमा झारेका विकास बैंकहरुमध्ये अधिकांशले अधिकतममा १२ प्रतिशत ब्याजदर प्रदान गर्ने भएका छन्। त्यसैगरी, साढे १३ प्रतिशत ब्याजदर दिँदै आएका फाइनान्स कम्पनीहरुले पनि ब्याजदर केही घटाएका छन्।
