चालु आर्थिक वर्षको पुस मसान्तसम्ममा लघुवित्तले ६ करोड ७७ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ७६.९६ प्रतिशत कम हो। गत आर्थिक वर्षको सोही अवधिसम्ममा लघुवित्तले २९ करोड ४२ लाख रुपैयाँ नाफा कमाएको थियो।
खुद ब्याज आम्दानी र सञ्चालन मुनाफा घटेसँगै लघुवित्तको नाफा घट्न पुगेको हो।
समीक्षा अवधिमा लघुवित्तको खुद ब्याज आम्दानी ३५.२७ प्रतिशत घटेको छ भने कुल सञ्चालन आम्दानी ३९.४० प्रतिशत घटेको छ। त्यसैगरी, लघुवित्तको सञ्चालन मुनाफा ७७. ४४ प्रतिशत घटेको छ।
नाफासँगै लघुवित्तको प्रतिशेयर आम्दानी पनि घटेको छ। समीक्षा अवधिमा लघुवित्तको यस्तो आम्दानी ३७ रुपैयाँ ७४ पैसा घटेर ११ रुपैयाँ ३० पैसामा झरेको छ। पुस मसान्तसम्ममा लघुवित्तको मूल्य आम्दानी अनुपात ६७.८८ गुणा रहेको छ भने प्रतिशेयर नेटवर्थ १७१ रुपैयाँ १९ पैसा रहेको छ।
१ अर्ब २० करोड रुपैयाँ चुक्ता पूँजी रहेको यस लघुवित्तको जगेडा कोषमा ८५ करोड ४२ लाख रुपैयाँ सञ्चित छ। पुस मसान्तसम्ममा लघुवित्तले १२ अर्ब ४८ करोड ८१ लाख रुपैयाँ निक्षेप तथा सापटीबाट १५ अर्ब ३ करोड १२ लाख रुपैयाँ कर्जा लगानी गरेको छ।
