उनले भने–‘म अहिले ५५ वर्षको भए । मैले कुनै गल्ती गरेको प्रमाणित भए भने टुँडिखेलमा लगेर झुण्ड्याउनु होला।’
बोर्डका अध्यक्ष हमाललाई आइपीओ स्वीकृत गर्दा बिचौलियामार्फत घुस मागेको आरोप लगाइएको थियो । बुक बिल्डिङ प्रक्रियामार्फत रियल सेक्टरका कम्पनी आउने प्रक्रियामा पनि हमालले भाँजो हालेको समेत मिडियामा आरोप लगाइएको थियो ।
तत्कालीन अध्यक्ष भिष्मराज ढुंगानाले सर्वोत्तम सिमेन्टको बुक बिल्डिङ प्रक्रियामार्फत आइपीओ निष्काशन गर्ने क्रममा आफन्तका नाममा गोल्डेन शेयर हात पारेर पदको दुरुपयोग गरेको आरोपमा सरकारले बर्खास्त गरेको थियो। सोही स्थानमा एक वर्ष अगाडि थाइल्यान्डमा व्यवसाय गरि बसेको हमाललाई नियुक्त गरेका थिए ।
हमालले नयाँ ब्रोकर थप्ने, नयाँ एक्सचेन्ज ल्याउने तथा लामो समयदेखि मर्जरमा रहेका कम्पनी रोक्का रहेका कम्पनीहरुलाई नेप्सेमा नियमावलीमार्फत खुला गरेकाले लगानीकर्तामाझ सकारात्मक छवि बनाएका छन् । उनको पदावधि अब करिब १ वर्ष मात्रै बाँकी छ ।
