सञ्चार मन्त्री रेखा शर्माले भनिन् ‘आइटी क्षेत्रलाई नियमन गर्ने कानुन छिट्टै ल्याउछु’

Feb 07, 2023 03:51 PM Merolagani

सूचना प्रविधि तथा सञ्चार मन्त्री शेखा शर्माले सूचना प्रविधि क्षेत्रलाई नियमन गर्ने कानुन छिट्टै ल्याउने बताएकी छिन ।

क्यान इन्फोटेक मेलाको उद्घाटनमा बोल्दै मन्त्री शर्माले देशको सूचना तथा प्रविधि क्षेत्रमा आवश्यक कानुन बन्न नसकेको आईटी कानुन चाँडै नै तयार गरिने बताएकी हुन । उनले आईटी कानुन बन्न नसकेकोमा खेद प्रकट गर्दै यो बिषयलाई चाँडै नै टुङ्गो लगाउने प्रतिवद्धता समेत जनाइन ।

 

“सूचना तथा प्रविधि क्षेत्रका लागि छुट्टै कानुनको आवश्यकता भएपनि यसमा प्रभावकारी काम हुन सकेको छैन । यो क्षेत्रलाई नियमन तथा प्रभावकारी बनाउनको लागि आईटी कानुन छिट्टै नै तयार गरेर संसदबाट पारित गराउने प्रतिबद्धता गर्छु,’ उनले भनिन् ।

मन्त्री शर्माले क्षेत्रमा काम गरिरहेका व्यक्ति तथा संस्थाहरूलाई सुझावको लागि पनि आग्रह गरिन ।
उनले थपिन ‘आईटी क्षेत्रको सानो सानो कुरामा ध्यान नदिँदा अर्बौँ रकम बाहिरिन सक्छ । यस क्षेत्रलाई प्राथमिकतामा राख्न नसक्दा देशको राजश्व गुमिरहेको छ, हाम्रो आइटी प्राविधिक जनशक्ति विदेश गइरहेका छन्।’ 

आइटी क्षेत्रको विकासमा सरकार गम्भिर रहेको समेत उनको भनाई थियो ।

comments powered by Disqus

वैशाख २ देखि ३३ ब्रोकर कम्पनीले नयाँ टिएमस टेस्ट गर्ने, मोबाइलबाटै कारोबार,के छन् अरू नयाँ फिचर ?

Mar 17, 2023 06:09 AM

सुवास निरौला

लामो समयदेखि नयाँ टिएमएसको पर्खाइमा रहेका लगानीकर्ताको पर्खाइ आउने वैशाख देखि सकिने  भएको छ।