एनलभीएमएचका संस्थापक बर्नार्ड अर्नाल्टले सबैभन्दा धेरै सम्पत्ति गुमाएका छन् । ब्लूमबर्ग बिलियनेर्स इन्डेक्सका अनुसार एलन मस्कको सम्पत्ति दोस्रो नम्बरमा घटेको छ। सूचकांकका अनुसार शीर्ष २० धनीमध्ये १८ जनाको सम्पत्ति २४ घण्टामा घटेको छ ।
संसारका अधिकांश धनाढ्यहरूको सम्पत्ति घट्यो
एनलभीएमएचका संस्थापक बर्नार्ड अर्नाल्टको सम्पत्ति २.४८ बिलियन डलरले घटेको छ। उनको कुल सम्पत्ति १८९ बिलियन डलर छ।
स्पेसएक्सका संस्थापक र टेस्लाका सह-संस्थापक एलन मस्कको सम्पत्ति २.०५ बिलियन डलरले घटेको छ। उनको कुल सम्पत्ति १७८ बिलियन डलर छ।
प्रसिद्ध व्यापारी वारेन बफेटको सम्पत्ति १.१२ बिलियन डलरले घटेको छ। उनको कुल सम्पत्ति ११२ बिलियन डलर छ।
माइक्रोसफ्टका सह-संस्थापक बिल गेट्सको सम्पत्ति १.०७ बिलियन डलरले घटेको छ। उनको कुल सम्पत्ति १२४ बिलियन डलर छ।
यसैगरी, भारतीय उद्योगपति गौतम अडानी र मुकेश अम्बानीको सम्पत्तिमा पनि गिरावट भएको छ । २४ घण्टामा मुकेश अम्बानीकाे सम्पत्ति ३५९ मिलियन डलरले घटेकाे छ । उनी धनाढ्यकाे सुचीमा १३औं स्थानमा छन् । उनकाे नेटवर्थ ८३.८ बिलियन डलर रहेकाे छ ।
यसैगरी, अर्का अर्बपति गौतम अडानीकाे सम्पत्ति घटेकाे छ । एक दिनमा उनकाे सम्पत्ति १.२० बिलियन डलरले गिरावट भएकाे छ । उनी धनाढ्यकाे सुचीमा १८औं स्थानमा छन् । उनकाे नेटवर्थ ६३ बिलियन डलर रहेकाे छ ।
तर एमाजनका संस्थापक जेफ बेजोसको सम्पत्ति भने १.५९ बिलियन डलरले बढेको छ। उनको कुल सम्पत्ति १४० बिलियन डलर छ।
यसैगरी, फेसबुकका संस्थापक मार्क जुकरबर्गकाे सम्पत्ति पनि ८१६ मिलियन डलरले बढेकाे छ । उनकाे नेटवर्थ ९१.१ बिलियन डलर रहेकाे छ ।
