सोनापुर मिनरल्सको आईपीओ बाँडफाँट

Sep 20, 2023 08:56 AM Merolagani

असोज २ गते, मंगलबार, सोनापुर मिनरल्स एण्ड आयल लिमिटेडको आईपीओ बाँडफाँट भएको छ। कम्पनीको शेयर निष्काशन तथा बिक्री प्रबन्धक एनआईएमबि एस क्यापिटलको कार्यालयमा कम्पनीको आईपीओ बाँडफाँट भएको हो।

कम्पनीले गत साउन २९ गतेदेखि भदौ २६ गतेसम्म प्रतिशेयर १०० रुपैयाँ अंकित मूल्यमा १२५ रुपैयाँ प्रिमियम थप गरी प्रतिकित्ता २२५ रुपैयाँमा उद्योग प्रभावित क्षेत्रका स्थानिय बासिन्दाहरुका लागि १५ लाख ३७ हजार ५२५ कित्ता शेयर निष्काशन गरेको थियो। त्यस्तै, कम्पनीले प्रतिशेयर १०० रुपैयाँ अंकित मूल्यमा १३७ रुपैयाँ ५८ पैसा थप गरी प्रतिकित्ता २३७ रुपैयाँ ५८ पैसामा १० लाख ७६ हजार २३८ कित्ता गत असोज २९ गतेदेखि भदौ ११ गतेसम्म निष्काशन गरेको थियो। कम्पनीले सो शेयरमा रितपूर्वक आवेदन दिएका लगानीकर्ताहरुलाई शेयर बाँडफाँट गरेको हो।

कम्पनीले उद्योग प्रभावित क्षेत्रका स्थानिय बासिन्दाहरुलाई माग गरे बमोजिम शेयर बाँडफाँट गरी बाँकी रहेको १४ लाख ३ हजार ५ कित्ता शेयर समेत थप गरी सोही अनुपातमा वैदेशिक रोजगारीमा रहेका नेपालीहरुका लागि सार्वजनिक निष्काशनको १० प्रतिशत अर्थात १२ लाख १६ हजार ५६८ कित्ता शेयर बाँडफाँट गरेको हो।

बाँडफाँटसम्बन्धी विवरण आवेदकहरुले धितोपत्र निष्काशन तथा बिक्री प्रबन्धकका वेबसाइट https://www.nimbacecapital.com र सिडिएस एण्ड क्लियरिङ्गबाट सञ्चालित वेबसाइट https://iporesult.cdsc.com.np बाट हेर्न सकिनेछ। त्यसैगरी, भौतिक रुपमा आवेदन बुझाएका आवेदकहरुले आवेदन फाराम बुझाएको सम्बन्धित संकलन केन्द्रहरुमा सम्पर्क राखेर बुझ्न सकिनेछ।

comments powered by Disqus

न्यून चुक्ता पुँजी र ऋणात्मक इपीएस भएका कम्पनीको शेयर मूल्य उच्च किन ?

Jun 20, 2024 06:16 AM

पछिल्लो समय न्यून चुक्ता पुँजी र नकारात्मक प्रति शेयर आम्दानी भएका कम्पनीको शेयर मूल्य उच्च दरले बढ्न थालेको छ । पछिल्लो समय पालैपालो ट्रेन्डिङमा आएका माइक्रोफाइनान्स, फाइनान्स र हाइड्रोपावर कम्पनीको उच्च मूल्य भएका कम्पनीहरु प्रायः न्यून चुक्ता पुँजी र ऋणात्मक प्रति शेयर आम्दानी भएका कम्पनी नै छन् ।