नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १३ हजार ७०० रुपैयाँमा झरेको छ । यसकासाथै, तेजाबी सुन प्रतितोला एक लाख १३ हजार १५० रुपैयाँमा कारोबार भइरहेको छ।
बुधबार पनि सुन तोलामा ३०० रुपैयाँले ओरालो लाग्दा प्रतितोला एक लाख १४ हजार ७०० रुपैयाँमा खरिदबिक्री भएको थियो । सुनकाे भाउ निरन्तर चाैथाे दिन घटेकाे हाे । सोमबारयता सुन प्रतितोला २ हजार २०० रुपैयाँले गिरावट भएको छ ।
बिहीबार चाँदीको मूल्य पनि सामान्य घटेको छ । यस दिन चाँदी तोलामा पाँच रुपैयाँले सस्तिदा प्रतितोला एक हजार ३८० रुपैयाँमा किनबेच हुँदैछ ।
अघिल्लो कारोबार दिन, चाँदी तोलामा २० रुपैयाँले सस्तिदा प्रतितोला एक हजार ३८५ रुपैयाँमा झरेको थियो । चाँदीको मूल्य लगातार तेस्रो दिन गिरावट भएको हो । तीन दिनमा चाँदी तोलामा ३५ रुपैयाँले घटेको छ ।
