हाल प्राधिकरणको तथ्याङक अनुसार नेपालमा १४० बढी साना ठूला इन्टरनेट सेवाप्रदायक सञ्चालनमा छन । तर, अहिले ठूला र सबैभन्दा धेरै प्रयोगकर्ता भएका कम्पनीले मात्रै टिकटकबाट आउने कन्टेन्ट रोकेका छन् ।
सोहि अन्य सेवाप्रदायकलाई पनि रोक्न लगाउन र कार्यान्वयनको अवस्थालाई अनुगमन गर्न दूरसञ्चार प्राधिकरणले समिति नै गठन गरेको छ ।
प्राधिकरणका प्रवक्ता सन्तोष पौडेलका अनुसार प्राधिकरणका निर्देशका विजयकुमार रायको नेतृत्वमा सामाजिक सञ्जाल टिकटक प्रतिबन्धको अवस्था अनुगमन गर्न समिति गठन भएको हो । प्राधिकरणको शुक्रबार बसेको बोर्ड बैठकले चार सदस्यीय प्राविधिक समिति बनाएर अघि बढेको हो ।
जसमा इन्टरनेट सेवाप्रदायक संघ, सञ्चार मन्त्रालयका प्रतिनिधि र सदस्यसचिवमा प्राधिकरण उपनिर्देशक समितिमा रहेको छ । उक्त समितिले टिकटक प्रतिबन्धको अवस्था र कार्यान्वयन लगायतका बिषयमा प्रतिबेदन पेस गर्ने छ ।
अहिले आइएसपिले कन्टेन्ट रोकेपनि प्रयोगकर्ताले भिपिएन (भर्चुअल प्रइभेट नेटवर्क) मार्फत टिकटक चलाइरहेका छन । सरकारले गत २७ कात्तिकमा टिकटक बन्द गर्ने निर्णय गरेको थियो । हाल सरकारको सो निर्णय विरुद्ध परेका १० वटा रिट निवेदन सर्वोच्च अदालतमा बिचाराधिन छन् ।
