चालु आर्थिक वर्षको दोस्रो त्रैमाससम्ममा होटलले १ अर्ब ५ करोड ८ लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा ९.४४ प्रतिशत बढी हो। गत आर्थिक वर्षको सोही अवधिसम्ममा होटलले ९६ करोड १ लाख रुपैयाँ आम्दानी गरेको थियो।
आम्दानी बढेसँगै होटलको खुद नाफा पनि सामान्य बढेको छ। समीक्षा अवधिमा होटलको खुद नाफा ४.६४ प्रतिशत बढेर २६ करोड ३१ लाख रुपैयाँ पुगेको छ। त्यसैगरी, होटलको कुल खर्च १२.०८ प्रतिशत बढेको छ भने सञ्चालन आम्दानी ३.८२ प्रतिशत बढेको छ। समीक्षा अवधिमा होटलको वित्तीय खर्च भने ८५.१८ प्रतिशत घटेको छ।
नाफा बढेपनि होटलको प्रतिशेयर आम्दानी भने सामान्य घटेको छ। समीक्षा अवधिमा होटलको यस्तो आम्दानी २ पैसा घटेर ५ रुपैयाँ ९५ पैसामा झरेको छ। सो अवधिसम्ममा होटलको प्रतिशेयर नेटवर्थ २६ रुपैयाँ ७८ पैसा रहेको छ भने मूल्य आम्दानी अनुपात ८०.३६ गुणा रहेको छ।
८८ करोड ४७ लाख रुपैयाँ चुक्ता पूँजी रहेको यस होटलको जगेडा कोषमा १ अर्ब ४८ करोड ४८ लाख रुपैयाँ रहेको छ।
