अहिलेको अवधिमा बैंकको ब्याज तिर्न, राजश्व तिर्न, सूचीकृत कम्पनीले वित्तीय विवरणमा नाफा देखाउनु पर्ने यावत व्यवहारिक दवाव बजारले खेप्नु परेको छ । साथै कारोबार सेटलमेन्ट मिलाउने चटारो पनि पर्ने भएकाले सकृय लगानीकर्ता पर्ख र हेरको अवस्थामा छन् । त्यसैले कारोबार रकम पनि धेरै हुन सकेकाे छैन् । यतिबेला दीर्घकालीन लगानीको रणनीति बनाउनेलाई उचित समय रहेको जानकारहरुको बुझाई छ ।
त्यसैगरी, शेयर बजारको विश्लेषण आधारभुत रुपमा गरिएको हुन्छ । फण्डामेटल विश्लेषण गरेर लगानी रणनीति बनाउनेहरु पर्खेको पर्खै छन् । अहिलेको बजार प्राविधिक विश्लेषण गरेर लगानी गर्नेहरुले राम्रो आर्जन गर्ने देखिएकाे छ । प्राविधिक विश्लेषण गरेर लगानी गर्नेले अनुशासनमा रहनु पर्ने प्राविधिक विश्लेषक योगेश दारुकाले बताए ।
