जुलाई महिना देखिनै कम्पनीहरुले ती दुई नयाँ कार बिक्री सुरू गरेका हुन् ।
एमजीले ४० लाख भित्रै रहने गरी विन्डसर ईभीको बुधबारदेखि बिक्री सुरू गरेकाे छ । एमजी मोटर्स इन्डियाले उत्पादन गरेको विन्डसर भारतमा निकै सफल मोडल हो । भारतमा धेरै ठूलो संख्यामा बिक्रीपछि नेपालमा बिक्री सुरू हुन लागेको हो ।
पारामाउन्ट मोटर्सले गत जेठको पहिलो साता नेपाल ल्याएको विन्डसर प्रिमियम ह्याचब्याक सेग्मेन्टमा उपलब्ध मोडल हो । आजदेखि बिक्री सुरू हुन लागेको विन्डसरले बजारमा रहेका डोङफेङ नामी ह्याचब्याक र बीवाइडी डल्फिनसँग सिधा प्रतिस्पर्धा गर्नेछ ।
साइमेक्स इंकले भने बीवाइडी सिलायन(सेभनको बिक्री सुरू गर्न लागेको हो । कम्पनीले अघिल्लो वर्षको नाडा अटो शोमै नेपाल ल्याएको सिलायन(सेभेनको आधिकारिक बिक्री आगामी शुक्रबारबाट थाल्दैछ । कम्पनीले यसको मूल्य ७५ लाख हाराहारी राख्ने अनुमान गरिएको छ ।
