एनआईसि एशियाले सेयर लिलाम सम्बन्धमा धितोपत्र बोर्ड र नेप्सेलाई के दियो स्पष्टिकरण ?

Feb 09, 2017 Merolagani

सेयर लिलाम प्रकृया रद्ध गरेको एनआइसी एसिया बैंकले प्राविधक त्रुटि भएको उल्लेख गर्दै धितोपत्र बोर्ड र नेपाल स्टक एक्सचेञ्जलाई जवाफ पठाएको छ । बुधबार ठुलो संख्यामा म्युचुअल फण्डका इकाई तीन दिनमा बिक्री गर्ने भन्दै लिलाममा राखेको बैंकलाई बोर्ड तथा नेप्सेले लिलाम गर्नुको कारण बारे स्पष्टिकरण सोधेको थियो ।

उक्त स्पष्टिकरणको जवाफमा बैंकले प्रकृयागत त्रुटिका कारण सेयर लिलाम प्रकृया रद्ध भएको जानकारी समेत गराएको छ ।

ठुलो संख्यामा सेयर तथा म्युचुअल फण्डका इकाई लिलाम गरेको सम्बन्धमा मेरोलगानीमा समाचार प्रकाशित भए पछि धितोपत्र बोर्ड तथा नेपाल स्टक एक्सचेञ्जले चासो देखाएका थिए । त्यस पछि बैंकले सेयर लिलाम प्रकृया रद्ध गर्ने निर्णय गर्दै सोको जानकारी दुवै निकायलाई गराएको हो । बैंकले सेयर लिलाम प्रकृया रद्ध भएको सूचना पनि प्रकाशित गरिसकेको छ ।

बैंकले एकै व्यहोराको स्पष्टिकरण बोर्ड तथा नेप्सेमा बुझाएको हो ।