युनियन लाईफ इन्स्योरेन्सले बीमा समितिबाट यसै साता कारोबारको लागि अन्तिम स्वीकृती लिएको थियो । कम्पनीले यही शुक्रबारदेखि आफनै कर्पोरेट कार्यलयबाट कारोबारको शुभारम्भ गर्न लागेको हो ।
दुई अर्ब चुक्ता पूँजी रहेको उक्त कम्पनीको अध्यक्ष शुलभ अग्रवाल हुन् भने मनोज कुमार लाल कर्ण प्रमुख कार्यकारी अधिकृतमा नियुक्त भएका छन् ।
त्यस्तै, सनलाईफ इन्स्योरेन्स कम्पनीले गत शुक्रबार समितिबाट कारोबार सञ्चालनको लागि अन्तिम स्वीकृति लिएको हो । दुई अर्ब चुक्ता पूँजी रहेको उक्त कम्पनीको अध्यक्ष अनुज कायल हुन् भने महाप्रबन्धकमा कमलराज गौतम नियुक्त भएका छन् ।
यही शुक्रबार कम्पनीको कर्पोरेट कार्यलय कमलादीमा एक कार्यक्रमको आयोजना गरी औपचारिक शुभारम्भ हुने भएको छ ।
त्यस्तै, स्टार लाईफ इन्स्योरेन्स कम्पनीले आगामी आइतबार असोज ८ गते औपचारिक रुपमा कारोबार शुरु गर्ने तयारी गरेको छ ।
बीमा समितिबाट जीवन बीमा व्यवसाय सञ्चालनको स्वीकृत पाएका १० कम्पनीमध्ये ९ कम्पनीले पूँजी कायम गरि सकेका छन् । जसमध्ये आईएमई लाईफ इन्स्योरेन्स कम्पनीले गत भदौ १ गते देखि नै कारोबार शुरु गरि सकेको छ ।
पूँजी कायम गरेकामध्ये ज्योति लाईफ, रिलायवल लाईफ, सन लाईफ र युनियन लाईफ इन्स्योरेन्स कम्पनीले कारोबारको अन्तिम स्वीकृति समेत लिई सकेका छन् ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य