समीटले संस्थापक समूहको २२ हजार ४६७ कित्ता र सर्वसाधारण समूहको ४ हजार ८२ कित्ता सेयर गरि कुल २६ हजार ५४९ कित्ता सेयर मंसिर ११ गतेसम्म लिलामीमा राखेको थियो ।
गत भदौ २९ गतेदेखि कात्तिक १ गतेसम्म शतप्रतिशत हकप्रद जारी गर्दा अवितरित सो परिमाणको सेयर विक्री नभएपछि लघुवित्तले लिलामीमा ल्याएको हो ।
७ करोड २५ लाख रुपैयाँ चुक्ता पूँजी रहेको लघुवित्तले गत आर्थिक बर्षको कमाइबाट ४३.४८ प्रतिशत बोनस र १० प्रतिशत नगद लाभांश वितरण प्रस्ताव गरेको छ । बोनसपछि लघुवित्तको पूँजी ९ करोड ७५ लाख रुपैयाँ पुग्नेछ ।
चालु आवको प्रथम त्रैमासमा लघुवित्तले ८२ लाख पाँच हजार रुपैयाँ खुद नाफा कमाएर प्रतिशेयर आम्दानी ४२ रुपैयाँ २७ पैसा कायम गरेको छ । जसको सेयर आईतबार प्रतिकित्ता १७५० रुपैयाँमा कारोबार भएको छ ।
