कम्पनीले चालु आर्थिक बर्षको पुष मसान्तसम्ममा ११ करोड ५१ लाख रुपैयाँ खुद नाफा आर्जन गरेको छ । जुन अघिल्लो वर्षको सोही अवधिको तुलनामा २१८ प्रतिशतले बढी हो । गत वर्षको दोस्रो त्रैमासमा कम्पनीले ३ करोड ६१ लाख रुपैयाँ खुद नाफा गरेको थियो ।
कम्पनकोे यसअवधिमा बीमा शुल्क आर्जन समेत बढेछ । गतबर्षको पुष मसान्तसम्म ८४ करोड २४ लाख बीमा शुल्क आर्जन गरेको कम्पनीले चालु बर्षको पुष मसान्तसम्म एक अर्ब २ करोड बीमा शुल्क आर्जन गरेको छ । कम्पनीको खुद बीमा शुल्क आर्जैन मात्रै ९३ करोड ३५ लाख छ ।
कम्पनीले यसअवधिमा १५ करोड ५६ लाख दाबी भुक्तानी गरेको छ । गतबर्षको यसै अवधिमा १४ करोड १५ लाख दाबी भुक्तानी गरेको थियो । कम्पनीले यसअवधिमा ५१ वटा बीमा लेखको एक करोड ६ लाख रुपैयाँ दाबी भुक्तानी गर्न बाँकी छ ।
चुक्ता पुँजी ६१ करोड रुपैयाँ भएको यस कम्पनीको जगेडाकोषमा ९ करोड ३४ लाख रुपैयाँ, जीवन बीमा कोषमा ५ अर्ब ५७ करोड तथा महाविपत्ती कोषमा ८२ करोड रुपैयाँ रहेको छ । कम्पनीले गतबर्षको यसैअवधिको तुलनामा जगेडाकोष, जीवन बीमा कोष र महाविपत्तीकोषको रकम उल्लेखीय रुपमा बढाएको छ ।
यसअवधिमा प्राइफको प्रतिसेयर आम्दानी ३७ रुपैयाँ ७ट पैसा, मूल्य आम्दानी अनुपात ४५ रुपैयाँ ८२ पैसा, प्रतिसेयर नेटवर्थ २६६ रुपैयाँ ५६ पैसा तथा प्रतिशेयर कुल सम्पत्तीको मूल्य १३१४ रुपैयाँ छ ।
प्राइम लाइफले १६० प्रतिशत हकप्रद शेयर निष्कासनको अनुमति माग्दै गत कात्तिक २७ गते धितोपत्र बोर्डमा आवेदन दिएको छ । जीवन बिमा कम्पनीले बीमा समितिको निर्देशन अनुसार २ अर्ब रुपैयाँ चुक्ता पुँजी कायम गर्नुपर्ने भएपछि प्राइमले हकप्रदको बाटो रोजेको हो ।
