अब बैंक अफ काठमाण्डू , कुमारी र देवः विकास बैंकबाट पनि सिधै अरु बैंकमा पैसा पठाउन सकिने

Nov 06, 2018 Merolagani

अब बैंक अफ काठमाण्डू , कुमारी बैंक र देवः विकास बैंक नेपाल क्लियरिङ्ग हाउसको कनेक्ट आईपिएस प्रणालीमा आबद्ध भएका छन् । योसँगै तीनवटै बैंकका सेवाग्राहीले अनलार्इन प्रणालीबाट सिधै अरु बैंकमा पैसा पठाउन सक्ने भएका छन् ।

क्लियरिङ्ग हाउसका अनुसार मंगलबारदेखि नै तीन बैंकहरुमा सेवा सुरु भएको छ ।

उल्लेखित बैंकका ग्राहकहरुले यस प्रणाली मार्फत आफ्नो बैंक खाताबाट अनलाईन मार्फत प्रति बैंक प्रति कारोबार १ लाख सम्मको भुक्तानी गर्न सक्नेछन् । मोबाईल एप्स मार्फत प्रति बैंक प्रति कारोबार ५ हजार सम्मको भुक्तानी गर्न सक्ने बताइएको छ ।

यस प्रणाली मार्फत बैंकका ग्राहकहरुले https://www.connectips.com// मा गई आफूलाई एक पटक आबद्ध गरी आफ्नो बैंक खातालाई लिङ्क गराई यसमा उपलब्ध हुने सेवाहरु उपयोग गर्न सक्ने व्यवस्था छ ।

हाल यस प्रणाली मार्फत नेपाल सरकारको राजश्व भुक्तानी, रकम ट्रान्सफर, बिल भुक्तानी, क्रेडिट कार्ड बिल भुक्तानी, मोबाईल वालेटको फण्ड लोड, सेयर ब्रोकरको भुक्तानी जस्ता काराेबार गर्न सकिने व्यवस्था छ ।

यस माध्यमबाट भुक्तानी कारोबारहरु अनलाईन मार्फत सिधै बैंक खाताबाट हुने हुँदा बैंकका ग्राहकहरुले व्यहोर्दै आएको अनावश्यक झन्झटबाट राहत पाउनुको साथै समयकोे समेत बचत हुने छ ।

प्रणालीमा हाल सम्म ४४ बैंक तथा वित्तीय संस्थाहरुले सम्झौता गरी सकेकामा हाल सम्म ३६ वटा बैंक वित्तीय संस्थाहरुबाट उक्त सेवा उपलब्ध भइरहेको छ ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।