यस वर्ष नेप्से परिसूचक साढे ४ प्रतिशतभन्दा बढी बढ्दा कुन उपसमूहको परिसूचक सर्वाधिक बढ्यो? कुन सबैभन्दा बढी घट्यो?

Apr 11, 2024 11:38 AM Merolagani

वि.सं. २०८० को अन्तिम कारोबार दिन सकिसकेको छ। यस वर्षको अन्तिम कारोबार दिन अर्थात चैत २८ गते बुधबार, नेप्से परिसूचक १०.७१ अंक घटेर २०२५.७० विन्दुमा बन्द भयो।

समग्रममा यस वर्ष नेप्से परिसूचक साढे ४ प्रतिशतभन्दा बढी बढेर बन्द भएको छ। गत वर्ष अर्थात २०७९ चैत ३० गते १९३४.४७ विन्दुमा बन्द भएको नेप्से, यस वर्ष ९१.२३ अंक (४.७२ प्रतिशत) बढेर २०२५.७० विन्दुमा पुगेको छ।

त्यसैगरी, यस वर्ष सर्वसाधारण जारी गरिएका र तत्काल कारोबार गर्न सकिने शेयरहरुको कारोबार मापन गर्ने फ्लोट इण्डेक्स १.१४ प्रतिशत बढेको छ। गत वर्ष १३५.५० विन्दुमा बन्द भएको फ्लोट इण्डेक्स, यस वर्ष १.५४ अंक बढेर १३७.०४ विन्दुमा पुगेको छ।

सेन्सेटिभ कम्पनीहरुको कारोबार मापन गर्ने सेन्सेटिभ इण्डेक्स र सो कम्पनीहरुको तत्काल कारोबार गर्न सकिने शेयरहरुको कारोबार मापन गर्ने सेन्सेटिभ फ्लोट इण्डेक्स भने यस वर्ष क्रमशः २.६६ प्रतिशत र ४.४९ प्रतिशत घटेको छ।

यस वर्ष १३ उपसमूहमध्ये ११ उपसमूहको परिसूचक बढेको छ भने २ उपसमूहको परिसूचक घटेको छ। यस वर्ष होटल तथा पर्यटन उपसमूहको परिसूचक सर्वाधिक ५३.०२ प्रतिशत बढेको छ। गत वर्ष ३३४४.६० विन्दुमा बन्द भएको यस उपसमूहको परिसूचक, यस वर्ष १७७३.३७ अंक बढेर ५११७.९७ विन्दुमा पुगेको छ। अंकका आधारमा भने यस वर्ष उत्पादन तथा प्रशोधन उपसमूहको परिसूचक सबैभन्दा बढी बढेको छ। गत वर्षको अन्त्यमा ४५१६.५४ विन्दुमा बन्द भएको यस उपसमूहको परिसूचक, यस वर्ष २२३५.०७ अंक बढेर ६७५१.६१ विन्दुमा पुगेको छ।

यस वर्ष जलविद्युत र बैंकिङ्ग उपसमूहको परिसूचक घटेको छ। जसमध्ये बैंकिङ्ग उपसमूहको परिसूचक सर्वाधिक १५.५९ प्रतिशत घटेको छ। २०७९ साल चैत ३० गते १२५४.८३ विन्दुमा रहेको यस उपसमूहको परिसूचक यस वर्ष १८५.६० अंक घटेर १०५९.२३ विन्दुमा झरेको छ। यस वर्ष जलविद्युत उपसमूहको परिसूचक भने १.७२ प्रतिशत घटेको छ।

comments powered by Disqus

प्रधानमन्त्रीको चेतावनीलाई लत्याउँदै गृहमन्त्री लामिछानेको आदेशमा कैलाश सिरोहिया पक्राउः लामिछाने भर्सेस कैलास सिरोहियाको लडाई वारपारको चरणमा

May 21, 2024 07:29 PM

कान्तिपुरका अध्यक्ष कैलाश सिरोहियालाई पक्राउ गर्न लागेको सूचना पाए पछि प्रधानमन्त्री प्रचण्डले मंगलबार दिउँसो गृहमन्त्री रवि लामिछानेलाई आवेशमा आएर ‘त्यसो नगर्न’ चेतावनी दिएका थिए । तर, प्रधानमन्त्रीलाई समेत थाहा नदिई सिरोहियालाई पक्राउ गर्ने तयारी गरिरहेका लामिछानेको आदेशमा त्यस अगाडि नै प्रहरीले सिरोहियालाई पक्राउ गर्नको लागि अदालतबाट अनुमति लिइसकेको थियो ।