चालु आर्थिक वर्षको पहिलो ९ महिनामा लघुवित्तले ४ करोड ४४ लाख रुपैयाँ खुद नाफा आर्जन गरेको छ। गत आर्थिक वर्षको सोही अवधिसम्ममा लघुवित्तको यस्तो नाफा ९ करोड १७ लाख रुपैयाँ ऋणात्मक रहेको थियो।
खुद ब्याज आम्दानी घटेपनि इम्पेरमेन्ट चार्ज घटेपछि लघुवित्तको खुद नाफा धनात्मक हुन पुगेको हो।
समीक्षा अवधिमा लघुवित्तको खुद ब्याज आम्दानी १.९७ प्रतिशत घटेको छ भने खुद फि तथा कमिशन आम्दानी ७५.३१ प्रतिशत बढेको छ। गत आर्थिक वर्षको चैत मसान्तसम्ममा १५ करोड रुपैयाँ रहेको लघुवित्तको इम्पेरमेन्ट चार्ज, चालु आर्थिक वर्षको सोही अवधिसम्ममा घटेर १ करोड ५८ लाख रुपैयाँमा सीमित भएको छ। जसका कारण लघुवित्तको सञ्चालन मुनाफा र खुद नाफा दुबै धनात्मक हुन पुगेको हो।
तेस्रो त्रैमासका अन्त्यसम्ममा लघुवित्तको प्रतिशेयर आम्दानी १३ रुपैयाँ ४१ पैसा, प्रतिशेयर नेटवर्थ १८७ रुपैयाँ ४ पैसा र मूल्य आम्दानी अनुपात ६५.६ गुणा रहेको छ। सो अवधिसम्ममा लघुवित्तको वितरणयोग्य मुनाफा १ करोड ८९ लाख रुपैयाँ रहेको छ भने वितरणयोग्य प्रतिशेयर आम्दानी ५ रुपैयाँ ७१ पैसा रहेको छ।
४४ करोड १६ लाख रुपैयाँ चुक्ता पूँजी रहेको यस लघुवित्तको जगेडा कोषमा ३८ करोड ४४ लाख रुपैयाँ सञ्चित छ। चैत मसान्तसम्ममा लघुवित्तले ६ अर्ब ४ करोड रुपैयाँ निक्षेप तथा सापटीबाट ६ अर्ब ५५ करोड रुपैयाँ कर्जा प्रवाह गरेको छ।
