सहमति अनुसार पहिलो चरणमा नेकपा एमाले अध्यक्ष केपी ओलीको नेतृत्वमा सरकार गठन गरिनेछ भने दोस्रो कार्यकालको नेतृत्व शेरबहादुर देउवाले गर्नेछन्। एमालेले अर्थसहित ९ वटा मन्त्रालय र कांग्रेसले गृहसहित १० वटा मन्त्रालय लिने भएको छ। त्यस्तै, एमालेले कोशी, लुम्बिनी र कर्णाली प्रदेश सरकारको नेतृत्व गर्नेछ भने कांग्रेसले बागमती, गण्डकी र सुदूरपश्चिम प्रदेश सरकारको नेतृत्व गर्ने सहमति भएको छ। मधेस प्रदेश सरकारको नेतृत्व मधेसवादी दललाई नै दिइने भएको छ।