डलरमा हिसाब गर्दा चालु आवको पहिलो दुई महिनामा १ अर्ब ९६ करोड डलर पुगेको छ जुन अघिल्लो वर्षको पहिलो दुई महिनामा १ अर्ब ७३ करोड डलर मात्रै रहेको छ । चालु आवको भदौ मसान्तसम्म यो रकम डलरमा १८ दशमलब ७ प्रतिशतले बढकाे छ ।
समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या ७६ हजार ४८५ र पुनः श्रम स्वीकृति लिनेको संख्या ४० हजार ५८३ रहेको छ । अघिल्लो वर्षको सोही अवधिमा यस्तो संख्या क्रमशः ७४ हजार ४५५ र ३२ हजार ४ रहेको थियो । समीक्षा अवधिमा खुद ट्रान्सफर २ खर्ब ८६ अर्ब ४५ करोड पुगेको छ । अघिल्लो वर्षको सोही अवधिमा यस्तो आय २ खर्ब ५१ अर्ब ६५ करोड रहेको थियो ।
