मंगलबारको बजारमा बैंकिङ समूहको शेयर तर्फ लगानीकर्ताहरु आकर्षित हुँदा सूचकमा राम्रो वृद्धि भएको हो । आज बैंकिङ समूह ३.४३ प्रतिशतले बढेको छ । लो क्याप भएका कम्पनीमा मात्र लगानीकर्ताको रोजाईमा परेको समयमा आजबाट बैंक समूह पनि लगानीकर्ताले खोजी गर्न सुरु गरेका छन् । लो क्याप कम्पनीको मूल्य तुलनात्मक रुपमा बढी भइसकेको अवस्थामा आधारभूत रुपमा बलिया बैंकहरुको मूल्य कम भएको मौका लगानीकर्ताहरुले उठाएका हुन् ।
बजार २२ सयको विन्दुबाट ३ हजार तर्फ उन्मुख हुँदा पनि लगानीकर्ताहरु बैंक समूहको शेयर मूल्य वृद्धि भएको थियो । आजको वृद्धि पनि बजारलाई उचाई तर्फ लैजानको लागि राम्रो योगदान हुन सक्ने अनुमान छ । यद्यपि बैंकको शेयर बढ्दा भोलिपल्ट नै बिक्रीचाप बढ्ने समस्या पनि नेप्सेमा देखिने गरेको अनुभवी लगानीकर्ता बताउँछन्।
