साधारणसभाबाट सर्वसाधारण शेयरधनीको तर्फबाट दुई संचालक चुनिएकोमा अर्थ मन्त्रालयले अध्यक्षसहित तीन
संचालक मनोनीत गरेको छ । नेपाल बैंकको नयाँ संचालक समिति अध्यक्ष अर्थका सहसचिव मधुसुदन पोखरेल, सदस्यहरु जनार्दन शर्मा आचार्य र डा. डम्बर बहादुर भण्डारी सरकारका तर्फबाट मनोनीत भएका छन् भने सर्वसाधारण शेयरधनीका तर्फबाट निश्चल प्रधान र सुरेन्द्रबहादुर सिंह छन् ।
सरकारी नियन्त्रणमा रहेको अबस्थामा खराब कर्जाले विघटनको संघारमा पुगेपछि २०५८ सालमा राष्ट्र बैंकले नियन्त्रणमा लिएर नेपाल बैंकमा सुधार प्रयास थालेको थियो । प्रा. डा. देबराज अधिकारीको नेतृत्वमा राष्ट्र बैंकले पठाएको ब्यवस्थापन समितिले बैंकलाई स्वस्थ बनाएर छाडेको हो । बैंकमा सरकारको ६२ र सर्वसाधारणको ३८ प्रतिशत स्वामित्व छ ।
