पछिल्ला केहि समयदेखि बजारले साइडवेयजलाई निरन्तरता दिएको थियो । बजारमा राम्रो वृद्धि भएर कारोबार हुन सकेको थिएन । पछिल्लो समय नेप्से २७५० देखि २७८० को विन्दुलाई अवरोधको क्षेत्रको रुपमा लिने गरेको पाइन्छ । बजार उक्त विन्दुमा पुग्दै करेक्सन हुने क्रम पटक पटक हुने गरेको छ ।
बजारले गत हप्तादेखि कारोबार रकमको आधारमा राम्रो संकेत गर्दै आएको थियो । सोही अनुसार आइतबारको बजारले त्यसलाई निरन्तरता दिएको लगानीकर्ताहरुको बुझाई छ । अबको बजारमा घट्ने भन्दा बढ्ने आधारहरु बलियो भएको हुँदा २७५० को अवरोधलाई सहजै पार गर्ने लगानीकर्ताको विश्वास छ ।
