सूचक घट्बढ् भएता पनि कारोबार रकमले बजारलाई राम्रो साथ दिएको देखिन्छ । पछिल्ला कारोबार दिन बजारमा औसत ८ अर्ब बढीको शेयर खरिद बिक्री हुँदै आएको छ ।
आइतबारको बजार एकै दिन उच्च अंकको वृद्धि भएका कारण पछिल्ला दिन बजारले सोही अनुकुल निरन्तरता दिन नसकेको लगानीकर्ताको बुझाई छ ।
बजारको समग्र अवस्था सकारात्मक रहेको छ । बैंकिङ प्रणालीमा अधिक तरलता र निकै सस्तो ब्याजदर छ । बजार एक चरणको उचाई लिएर करेक्सन पछिको लामो साईडवयजमा छ । बजारले यसै विन्दुबाट उठ्नको लागि प्रयास गरेको शेयर बजारका अध्यता अचुतकुमार ओझाले बताए । बजारमा लगानकर्ताले सुरुमै ट्रेडर हुन खोज्दा लाभबाट बचित हुनु परेकाे हाे । लगानीकर्ताले उच्च भन्दा उचित प्रतिफलाई जोड दिनुपर्ने ओझाको बुझाई छ ।
