निरन्तरको गिरावट पछि बजार २५८२ को विन्दुमा झरेको थियो । आजको बढाइले बजार २६ सय भन्दा माथिल्लो विन्दुमा पुग्न सफल भएको छ ।
एकोहोरो घटेको बजारमा लगानीकर्ताहरु त्रसित भएकै कारण बुधबारको वृद्धिमा पनि विश्वस्त भएर लगानी नभएको हो । सोही अनुसार पछिल्ला केही महिना यताकै न्यून मूल्य बराबरको शेयर कारोबार भएको छ । बजारले राम्रो कन्फर्मेशन नदिएसम्म ‘वेट एन्ड वाच’ को अवस्थामा लगानीकर्ताहरु रहेको प्रष्ट देखिएको छ ।
आगामी दिनमा मुलुकको राजनीति माहाैल कस्तो हुने हो ? त्यसले कस्तो प्रभाव पार्छ भन्ने कुरा यकिन भएपछि मात्रै लगानी बढाउने सुरमा लगानीकर्ताहरु रहेका छन ।
