निरन्तर घटेको बजारमा पछिल्ला वृद्धिले बजारप्रति लागनीकर्ताको आकर्षण विस्तारै बढन सुरु गरेको देखिन्छ । छोटो समयमा ठूलो गिरावटले राम्रा कम्पनीको मूल्य पनि न्यून विन्दुमा झर्न पुगे ।
निरन्तर रुपमा धेरै घटेपछि बजारमा पुनः प्रवेश गर्नको लागि लगानीकर्ताहरु पर्ख र हेरको अवस्थामा रहेका छन् । मुलुकमा घोषणा भएकाे आन्दोलनले कस्तो रुप लिने हो र बजारको राजनीति परिस्थिती कस्तो बन्नेछ भन्ने यकिन गरेर मात्रै लगानीकर्ताहरु थप लगानीको रणनीतिमा रहेको देखिन्छ ।
अहिलेको आन्दोलनले थोरै गिजोले पनि बजारमा ठूलो प्रभाव नपर्ने अनुभवी लगानीकर्ता उपेन्द्र पाठकको बुझाई छ । बिहीबारको बजार राम्रो अंक सहित सकारात्मक भएर बन्द भएको छ । यो बजारको लागि राम्रो हो । बजारमा सम्हालिएर सुझबुझका साथ लगानी गर्ने हो भने अहिले शेयर किन्ने राम्रो मौका रहेको उनको बुझाई छ । बैंकको ब्याजदर तत्काल बढ्ने अवस्था छैन । प्रणालीमा अधिक तरलता छ । कर्जाको माग तुलनात्मक रुपमा निकै न्यून रहेको हुँदा शेयर बजारमा निरास हुन नपर्ने पाठकको भनाइ छ ।
अर्काेतर्फ बजारमा नाम सार्वजनिक भएका आगामी गभर्नरको नामहरु हेर्दा अर्थतन्त्र राम्रो बुझेका भोगेका व्यक्तिहरुको देखिएको छ । सुस्ताएको अर्थतन्त्र चलायमान हुने अपेक्षा गर्न सकिने पाठकको धारणा छ ।
