कम्पनीले चालु आवको चैत मसान्तसम्म ४६ करोड ७३ लाख रुपैयाँ खुद नाफा आर्जन गरेको छ । यो नाफा १३.३६ प्रतिशतले बढेको हो । गत आर्थिक वर्षको सोही अवधिमा होटलले ४१ करोड २३ लाख रुपैयाँ नाफा आर्जन गरेको थियो ।
होटलको व्यवसायिक आम्दानी र सञ्चालन आम्दानीमा वृद्धि हुँदा नाफामा वृद्धि भएको हो । यस अवधिमा कम्पनीको व्यवसायिक आम्दानी १२.४८ प्रतिशतले बढेर एक अर्ब ८९ करोड ८ लाख रुपैयाँ पुगेकाे छ । साथै होटलको सञ्चालन आम्दानी ५९ करोड १७ लाख रुपैयाँ छ । कम्पनीको सञ्चालन नाफा १५.४१ प्रतिशतले बढेको हो ।
एक अर्ब २ करोड १८ लाख रुपैयाँ चुक्ता पूँजी रहेको होटलको जगेडा कोषमा एक अर्ब ५४ करोड रुपैयाँ सञ्चित छ । सार्वजनिक भएको वित्तीय विवरण अनुसार होटलको प्रतिशेयर आम्दानी ४ रुपैयाँ ५७ पैसा छ भने प्रतिशेयर नेटवर्थ दुइ हजार ५०० रुपैयाँ १७ पैसा छ ।
