चालु आर्थिक वर्षको तेस्रो त्रैमाससम्म होटलले ३३ करोड ७५ लाख रुपैयाँ खुद नाफा आर्जन गरेको छ । यो नाफा गत आर्थिक वर्षको यसै अवधिकाे तुलनामा १.२८ प्रतिशतले बढी हो । गत आर्थिक वर्षको यसै अवधिमा होटलले ३३ करोड ३२ लाख रुपैयाँ खुद नाफा आर्जन गरेको थियो । होटलको सञ्चालन आम्दानी बढ्दा नाफामा सुधार भएको हो ।
समीक्षा अवधिमा होटलले एक अर्ब ८ करोड २९ लाख रुपैयाँ सञ्चालन आम्दानी गरेको छ । होटलको सञ्चालन आम्दानी ७.२५ प्रतिशतले बढी हो । गत वर्ष होटलले एक अर्ब सञ्चालन अम्दानी गरेको थियो ।
एक अर्ब ९६ करोड २१ लाख रुपैयाँ चुक्ता पूँजी रहेको होटलको जगेडा कोषमा एक अर्ब तीन करोड रुपैयाँ सञ्चित छ । समीक्षा अवधिसम्ममा हहोटलको प्रतिशेयर आम्दानी १७ रुपैयाँ २० पैसा छ भने प्रतिशेयर नेटवर्थ १५२ रुपैयाँ ५९ पैसा छ ।
