चालु आर्थिक वर्षको चैत मसान्तसम्ममा कम्पनी १ करोड ९५ लाख रुपैयाँ नोक्सानीमा रहेको छ। गत आर्थिक वर्षको सोही अवधिसम्ममा कम्पनी २ करोड ७८ लाख रुपैयाँ नोक्सानीमा थियो।
विद्युत बिक्री आम्दानी सामान्य बढेपनि वित्तीय खर्च घटेका कारण नोक्सानी घटेको हो।
समीक्षा अवधिमा कम्पनीको विद्युत बिक्री आम्दानी ०.२५ प्रतिशत बढेर ४ करोड ३१ लाख रुपैयाँ पुगेको छ। समीक्षा अवधिमा कम्पनीको कुल नाफा १२.१६ प्रतिशत घटेको छ भने कुल आम्दानी १३.५८ प्रतिशत घटेको छ। कम्पनीको वित्तीय खर्च समीक्षा अवधिमा २२.२४ प्रतिशत घटेको छ।
चैतको अन्त्यसम्ममा कम्पनीको प्रतिशेयर आम्दानी ४ रुपैयाँ ७९ पैसा ऋणात्मक रहेको छ भने प्रतिशेयर नेटवर्थ ५० रुपैयाँ ७ पैसा रहेको छ।
५४ करोड ४० लाख रुपैयाँ चुक्ता पूँजी रहेको यस कम्पनीको जगेडा कोष २७ करोड १६ लाख रुपैयाँ ऋणात्मक रहेको छ।
