नेपाल विद्युत् प्राधिकरणका अनुसार, २०८१ चैतदेखि हालसम्म ७७.९७ मेगावाट विद्युत् उत्पादन भएको हो।
सरकारले पछिल्लो समय जलाशययुक्त परियोजना सँगै सोलार परियोजना निर्माण समेत जोड दिँदै आएको छ । प्राधिकरणका अनुसार, उक्त अवधिमा तराइ सोलार प्रालिले प्रवर्द्धन गरेको ७.७ मेगावाटको जीरा भवानी सेढ्वा सोला परियोजना, तराइ इनर्जी प्रालिद्धारा २.३ मेगावाटको डीडीबी सोलार परियोजना, सुपर हेवा पावर कम्पनी प्रालिद्धारा ६ मेगावाटको सुपर हेवा, पशुपती रिन्युवल प्रालिद्धारा १० मेगावाटको धरमनगर सोलार फार्म र उपर लोहोरे खोला हाइड्रोपावर कम्पनी प्रालिद्धारा ४ मेगावाटको अपर लोहोरे परियोजना हुन् ।
त्यस्तै सोही अवधिमा व्यवसायिक रुपमा विद्युत् उत्पादन सुरु गर्नेहरुमा इदी हाइड्रोपावर कम्पनी प्रालिद्धारा ९७५ किलोवाटको इदीखोला जलविद्युत् आयोजना, झ्यामोयिलंमा हाइड्रोपावर डेभलपमेन्ट कम्पनी प्रालिद्धारा ३२ मेगावाटकाे करूवा सेती र बुटवलमा १५ मेगावाटको धर्मनागर सोलार परियोजना हुन् ।
प्राधिकरणका अनुसार, इनर्जी मिक्स कार्यक्रमअन्तरगत कुल ९६० मेगावाटका सोला परियोजनाका लागि प्रतिष्पर्धात्मक खरिद विधिबाट आशय पत्र आह्वान गरिएको थियो । जसमा कुल ६३ वटा आयोजनाहरु छनौट भएकोमा विभिन्न ८ वटा कम्पनीको १७० मेगावाट सोलार आयोजनाको खरिद बिक्री सम्झौता(पीपीए) समेत सम्पन्न भएको प्राधिकरणले जनाएको छ ।
