– अब ललितपुरमै प्रत्यक्ष रूपमा एमजी गाडी खरिद गर्न सकिनेछ।
– एमजीको विश्वव्यापी कर्पोरेट आइडेन्टिटी (सीआई) मापदण्डअनुसार डिजाइन गरिएको आधुनिक सुविधा।
– प्यारामाउन्ट मोटर्स प्रा. लि. का निर्देशक निकुञ्ज अग्रवालद्वारा औपचारिक उद्घाटन।
– बुकिङ र खरिद सेवा २०८२ भदौ २ गतेदेखि सुरु।

एमजीले नेपालमा आफ्नो उपस्थिति थप बलियो बनाउँदै सातदोबाटो, ललितपुरमा नयाँ अधिकृत डिलरशिपको उद्घाटन गरेको छ। एमजीको विश्वव्यापी एमजी मापदण्ड अनुसार तयार गरिएको यो अत्याधुनिक सुविधा ग्राहकहरूलाई अन्तर्राष्ट्रिय स्तरको बिक्री तथा सेवा अनुभव प्रदान गर्ने उद्देश्यले निर्माण गरिएको हो।

यस स्थानका लागि पीआर सप्लायर्सलाई आधिकारिक एमजी डिलर शिपका रूपमा नियुक्त गरिएको छ। प्यारामाउन्ट मोटर्स प्रा. लि. का निर्देशक निकुञ्ज अग्रवालको आतिथ्यमा भएको औपचारिक उद्घाटनले ललितपुरमा एमजीको उपस्थिति विस्तारको ऐतिहासिक क्षणको संकेत गरेको छ।

२०८२ भदौ २ गतेदेखि ग्राहकहरूले नयाँ सुविधा सम्पन्न शोरुममा गएर एमजीका प्रिमियम गाडीहरूको अवलोकन गर्न, विशेषज्ञ सल्लाह लिन तथा प्रत्यक्ष रूपमा बुकिङ वा खरिद गर्न सक्नेछन्। यो डिलर शिपले ललितपुर र आसपासका क्षेत्रमा रहेका ग्राहकहरूलाई सहज र व्यक्तिगत अनुभव सहितको कार खरिदको सुविधा प्रदान गर्ने लक्ष्य राखेको छ।

उद्घाटन कार्यक्रममा आफ्नो उत्साह व्यक्त गर्दै अग्रवालले भने “यो नयाँ डिलरशिप केवल एउटा शोरूम मात्र नभएर यो पूर्ण रुपमा एमजी अनुभवको प्रवेशद्वार हो। विश्वस्तरीय डिजाइन, तालिम प्राप्त कर्मचारी र विस्तृत उत्पादन सूची सहित हामी ललितपुरका ग्राहकहरूलाई शैली, प्रदर्शन र नवीनताको अद्वितीय संयोजन अनुभव गर्न स्वागत गर्दछौं।”

सम्पर्क विवरणः

पीआर सप्लायर्स – डिलरशिप
स्थानः सातदोबाटो, ललितपुर
प्यारामाउन्ट मोटर्स प्रा. लि. बारेमा

प्यारामाउन्ट मोटर्स प्रा. लि. नेपालमा एमजी गाडीहरूको आधिकारिक वितरक हो, जसले प्रिमियम विद्युतीय तथा इन्धन सञ्चालित गाडीहरूको विस्तारित श्रेणी उपलब्ध गराउँछ। नवीनता, ग्राहक सन्तुष्टि र दिगो यातायात प्रति प्रतिबद्ध प्यारामाउन्ट मोटर्स प्रा. लि. ले पीआर सप्लायर्स जस्ता अधिकृत डिलरशिप मार्फत नेपालभर एमजीको बलियो उपस्थिति देखाइरहेको छ।