यस अघिका दुई खेलमा लगातार जित हासिल गरेर सिरिज आफ्नो नाममा गरिसकेको नेपालले अन्तिम खेलमा भने फराकिलो हार व्यहोरेको हो। टस हारेर ब्याटिङ्गको निम्तो पाएको नेपालले १९.५ ओभरमा १२२ रन मात्र बनाउन सफल भयो। नेपालका लागि ओपनर कुशल भुर्तेलले सर्वाधिक ३९ रन बनाएका थिए।
१२३ रनको लक्ष्य लिएर जवाफी ब्याटिङ्गमा उत्रिएको वेस्ट इन्डिजले १२.२ ओभरमा नै कुनै पनि विकेट नगुमाइ पुरा गरेपछि नेपाल १० विकेटले पराजित भएको हो। वेस्ट इन्डिजका लागि ओपनर अमिर जांगुले सर्वाधिक ७४ रन बनाएर अविजित रहे।
