‘पर्ख र हेर’ को अवस्था
हाल बैंकको शेयरमूल्य ‘पर्ख र हेर’ को अवस्थामा रहेको छ। आगामी दिनमा बैंकको शेयरमूल्य बढेमा १ हजरा १६५ देखि १ हजार २४८ को क्षेत्रमा प्रतिरोधको सामना गर्ने देखिन्छ। तर, ओरालो लागेमा भने ८७८ देखि ९५३ को क्षेत्रमा टेवा पाउने देखिन्छ।
खरिदकर्ता बलियो
साप्ताहिक रुपमा बैंकको शेयरमूल्यले लामो टुप्पी र छोटो पुच्छर भएको हरियो मैनबत्ती बनाएको छ। त्यसैगरी, साताका अन्तिम तीन कारोबार दिन पनि बैंकको शेयरमूल्यले हरियो मैनबत्ती नै बनाएको छ। यसले सो साता र सो दिनमा बैंकको शेयरमा खरिदकर्ता बलियो रहेको संकेत गर्दछ।
एआई सिग्नल
मेरोलगानी एआई चार्टले हालसम्म बैंकको शेयरमा ५ पटक बाई सिग्नल दिइसकेको छ। जसमध्ये ४ सिग्नलमा लगानीकर्ताहरुले नाफा कमाएका थिए भने एक सिग्नलमा स्टपलस गर्नु परेको थियो। हाल मेरोलगानी एआई चार्टले बैंकको शेयरमा कुनै पनि सिग्नल दिएको छैन।
बलियो भोल्यूम
यस साता बैंकको भोल्यम पनि बलियो रहेको छ। यस साता बैंकको दैनिक औषत भोल्युम २५ हजार ७१२ कित्ता रहेको छ। साताको अन्तिम कारोबार दिन बैंकको २० दिने औषत भोल्यूम भने १४ हजार ५४० कित्ता रहेको छ। २० दिने औषत भोल्यूमको तुलनामा यस साताको दैनिक औषत भोल्यूम ७६.८३ प्रतिशत बढी हो।
बुलिश प्रवृत्ति
यस साताको अन्तिम कारोबार दिन बैंकको एमएसिडी रेखा सिग्नल रेखाभन्दा माथि रहेको छ र यी दुई बीचको दूरी फराकिलो हुँदै गएको छ। यसले कम्पनीको शेयरमूल्य बुलिश प्रवृत्तिमा रहेको संकेत गर्दछ। त्यसैगरी, बैंकको हिस्टोग्राम सकारात्मक क्षेत्रमा रहेको छ।
खरिदचाप बढ्दै
साताको अन्तिम कारोबार दिन बैंकको स्टकास्टिक आरएसआई न्युट्रल जोनबाट ओभरबट जोनतर्फ बढेको छ। यसले बजारमा बिक्रीचापको तुलनामा खरिदचाप बढ्न थालेको संकेत गर्दछ।
वित्तीय अवस्था
चालु आर्थिक वर्षको पहिलो त्रैमाससम्ममा बैंक ३ करोड १ लाख रुपैयाँ नोक्सानीमा रहेको छ। गत आर्थिक वर्षको सोही अवधिसम्ममा बैंक १ करोड ५६ लाख रुपैयाँ नोक्सानीमा थियो।
बैंकको खुद ब्याज आम्दानी घटेसँगै नोक्सानी बढ्न पुगेको हो।
समीक्षा अवधिमा बैंकको खुद ब्याज आम्दानी ४ करोड ७६ लाख रुपैयाँबाट घटेर ४ करोड ६१ लाख रुपैयाँमा सीमित भएको छ। त्यस्तै, बैंकको खुद फि तथा कमिशन आम्दानी ५३ लाख रुपैयाँबाट घटेर ४९ लाख रुपैयाँमा झरेको छ भने कुल सञ्चालन आम्दानी ५ करोड ३५ लाख रुपैयाँबाट घटेर ५ करोड ५० लाख रुपैयाँमा सीमित भएको छ। समीक्षा अवधिमा कम्पनीको इम्पेरमेन्ट चार्ज ४ करोड १९ लाख रुपैयाँबाट बढेर ५ करोड ५३ लाख रुपैयाँ पुगेको छ। सो अवधिसम्ममा बैंकको वितरणयोग्य मुनाफा २ करोड ४९ लाख रुपैयाँ रहेको छ।
५६ करोड ९६ लाख रुपैयाँ चुक्ता पूँजी रहेको यस बैंकको जगेडा कोषमा ९ करोड ८६ लाख रुपैयाँ सञ्चित छ। पहिलो त्रैमासको अन्त्यसम्ममा बैंकले ६ अर्ब ३५ करोड ३३ लाख रुपैयाँ निक्षेप संकलन गरी ४ अर्ब ८२ करोड ४० लाख रुपैयाँ कर्जा प्रवाह गरेको छ।
चालु आर्थिक वर्षको असोज मसान्तसम्ममा बैंकको प्रतिशेयर आम्दानी २१ रुपैयाँ १७ पैसा ऋणात्मक रहेको छ भने बुकभ्यालु ११७ रुपेयाँ ३१ पैसा रहेको छ। गत बिहीबारको अन्तिम कारोबार मूल्य अनुसार बैंकको प्राइस टु बुकभ्यालु रेशियो ९.१९ गुणा रहेको छ।
आधारभूत विश्लेषण
हाल नेप्सेमा बैंकको ५६ लाख ९६ हजार ९८५ कित्ता शेयर सूचीकृत छ। बैंकको १८० दिने औषत मूल्य १ हजार १९४ रुपैयाँ ९३ पैसा रहेको छ। बैंकको ५२ हप्ताको उच्च मूल्य २ हजार १ रुपैयाँ ४० पैसा रहेको छ भने न्यून मूल्य ८२२ रुपैयाँ रहेको छ। गत बिहीबारको अन्तिम मूल्य अनुसार बैंकको कुल बजार पूँजीकरण ६ अर्ब १४ करोड ७ लाख ८० हजार १३१ रुपैयाँ ५० पैसा रहेको छ।
ब्रोकर नम्बर ४६ बाट सर्वाधिक खरिद
फ्लोरसिट विश्लेषण गर्दा यस साता ब्रोकर नम्बर ४६ ले बैंकको सर्वाधिक शेयर खरिद गरेको छ भने सबैभन्दा बढी बिक्री गर्ने ब्रोकर पनि ४६ नै रहेको छ। सो ब्रोकर यस साता बैंकको १४ हजार ३५० कित्ता शेयर बिक्री गरी २० हजार ६०२ कित्ता शेयर खरिद गरेको छ। त्यस्तै, यस साता ब्रोकर ७५ ले बैंकको करिब ९ हजार कित्ता शेयर खरिद गरेको छ भने ६० ले ११ हजारभन्दा बढी शेयर बिक्री गरेको छ।
मूल्य घट्ने डर
फियर एण्ड ग्रीड मिटरमा बैंक अहिले फियर जोनमा रहेको छ। यसले लगानीकर्ताहरुमाझ बैंकको शेयरमूल्य घट्छ भन्ने डर रहेको संकेत गर्दछ।
(प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानी डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्दा आफैले थप अध्ययन तथा विश्लेषण गर्नु आवश्यक छ।)
